Skip to main content

Politiit immiaaqqanik 50-inik arsaarinnissuteqarsimapput - 15.000 koruuninik akiligassiissutitalimmik

Nuummi inuk immiaaqqanik tuniniaangami akiligassinneqarujussuarpoq.

Nuummi, Qeqertarsuatsiaani Kapisilinnilu imigassap inerteqqutaanera ullut arfinilingajaat maanna atuutereerpoq. Inerteqqussummillu unioqqutitsinissamik ussernartorsiortoqalersimanersoq nakkutigineqarluarpoq:

- Internetsikkut unioqqutitsilluni tuniniaasoqarnersoq nakkutigaarput, Kalaallit Nunaanni politiit pigaartuisa pisortaat Henrik Olesen oqarpoq.

Imigassamik inerteqquteqarnermut, 2,25 procentimit qummut aalakoornartortalimmik tuniniaaneq sassaallernerlu ilaapput.

Pigaartut pisortaata nassuiaatigaa, politiit internetsimi misissuisartut, aqqusinermi nakkutiginnittartut aamma imigassamik inerteqquteqarnermik unioqqutitsisimasut pillugit saaffigineqartartut.

Aningaasarsiffimmi eqqissisimasoqarsimasoq

Imigassamik inerteqquteqarnerup atuunnerani inuit imigassaarniarsimappata, imigassat aningaasallu arsaarinnissutigineqassapput.

Politiit tusagassiorfinnut nalunaaruteqarnerninni erseqqissaatigaat, immiaaqqanik tuniniaaniaraanni, imigassaarniarnissamut akuersissummik tamatigut peqartoqartussaasoq:

- Nuummi innuttaasup ataatsip tamanna sakkortuumik misigalugu ilinniarfigaa, tassa inerteqqutaasumik immiaaqqanik tuniniaasimanermigut 15.000 koruuninik akiligassinneqarami. Angut Nuummi inunnut allanut immiaaqqanik 70-inik tunisaqareersimavoq, biiliatalu iluani suli 50-inik immiaaraateqarluni, tuniniagassatut pisiarisimasaminik, politiit allapput, nangillutillu:

- Tuniniaaneq Nuummi imigassap suli inerteqqutaalinnginnerani pisimavoq, angulli imigassaarniarnissamut akuersissutaateqanngilaq, imigassaarniasssagaanni piumasaqaataasumik.

Unnerluussisuuneq Morten Nielsen suliaq pillugu imatut oqarpoq:

- Nuummi imigassamik inerteqquteqarneq eqqarsaatigalugu, interteqqutaasumik imigassaarniarneq nakkutigaarput, erseqqissaatigerusupparpullu inuinnaat imigassaarniarsinnaanerat aamma inerteqqutaammat. Tamatumunnga aamma inuit attaveqaqatigiittarfiisigut imigassaarniarneq atuuppoq, Morten Nielsen oqarpoq.

Tassa imigassamik inerteqqut suli atuutinneqalinngitsoq 15.000 koruuninik akiligassiisoqarsimavoq, politiillu inerteqquteqarnerup atuunnerani akiligassiisimanngillat.

Inerteqquteqarnerup atuunnerani tamani eqqissisimakannersumik ullut ingerlasimasut, toqqaannartumilli inerteqquteqarnermut attuumassuteqarnersoq oqaatigisinnaanagu, Politiinit nalunaarutigineqarpoqt:

- Isumaqarpunga eqqissisimasumasimsut. Ataasiakkaannguit angerlarsimaffimmi eqqissiviilliorput, inuillu ilaat malugisimaartut eqqissisagassaasimallutik, Henrik Olesen oqarpoq.

Sinniisoqarfimmut pisortanngortussaq Tasiilami inuusuttunut: Atugarliornissamut sillimagitsi
Inuunermi nuannersunut, soorlu juullimut, feriamut, katittunut il.il., piffissaq annertooq atorlugu piareersartarpugut, kisiannili inuk kinaluunniit atugarliorani inuuneq ajorpoq, tamatumunngalu...
Kapisilinni innuttaasut tusaaniarneqartut
Borgmesteri Charlotte Ludvigsen kommunimiillu sulisut Kapisilinnut tikeraamata Illu sullivik inunnik ulikkaavippoq. Kapisilinni ilaatigut takornariaqarnermi inuussutissarsiornermilu periarfissat...
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

Seneste Ugeavis

SENESTE NUUK - NYHEDER