Politiit imigassartorsimalluni biilertumut akiligassiisimasut
Nuummi biili sisamanik inuttaqartoq sapaatiummat ullaassakkut unitsinneqarsimavoq. Aquttoq biilersinnaanermut allagartaqanngilaq, tamatumalu saniatigut alkometeri atorlugu misissorneqarami killissarititaasut sinnerlugit imigassartorsimasoq paasineqarpoq. Ilassut aamma arlalitsigut kukkuluttorsimanertik pillugu akiligassinneqarsimapput.
Nuummi politiit sapaatiummat ullaassakkut tallimanut tanneq arfineq-pingasunut billi sangujoraarluni ingerlaartoq unitsissimavaat, unitsitsinermilu arlalinnik unnerluutiginnittoqarluni.
Biilimik aquttoq imigassartorsimavoq, alkometerilu atorlugu misissorneqarmi killissarititaasut sinnerlugit imigasasrtorsimasoq paasineqarluni. Tamannalu pissutigalugu imigassartorsimalluni biilersimasutut unnerluutigineqarpoq.
Tamatuma saniatigut aquttoq 20-kkunnik ukiulik biilersinnaanermut allagartaqanngilaq, Kalaallit Nunaanni Politiini pigaartut pisortaat Julie Senderovitz Bendtsen oqaluttuarpoq.
Piginnittoq aamma unerluutigineqartoq
Biili unitsinneqarmat inuit katillutik sisamat issimasuupput, biilili marluinnarnut issiavissaqarluni. Taamaammat ilaasut tamarmik isumannaallisaassummik qitequteqaratik ilaasimasutut akiligassinneqarput.
Ilaasut aamma akornanniippoq biilimik piginnittoq, taanna arnaavoq 30-kkunnik ukiulik. Taanna pissutsit allat marluk aamma pillugit unnerluutigineqarpoq.
Siullertut biili inummut imigassartorsimasumut aqutsissimavaa, appaatullu biili biilersinnaanermut allagartaqanngitsumut aqutsissimallugu.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...