Politiit iliveqarfimmi serlersaarisoqarsimaneranut takunnissimasinnaasunik ujaasipput

Iliveqarfik Nuup qeqqaniittoq serlersaariffigineqarsimavoq.

Iliveqarfimmi Nuummi aqquserngit Noorlernut Saqqarliillu akornanniittumi sanningasut uppisinneqarsimallutillu aserorneqarsimapput.

Kalaallit Nunaanni Politiit pigaartuisa pisortaata Jan Geislerip uppernarsarlugu oqaatigaa, serlersaarisoqarsimanera pillugu nalunaarfigineqarsimallutik. Nalunaarut arfininngornermi tiguneqarsimavoq.

Politiit serlersaarisimasunik nassaarsimanngillat, taamaammallu innuttaasunit ikiorneqarnissaq ujartorpaat.

- Serlersaarisunik takunnissimasut serlersaarisoqarsimaneranilluunniit tusagaqarsimasut tusarfigerusuppavut, Jan Geisler oqarpoq.

Politiit oqarasuaat 70 14 48 sianerfigalugu attavigineqarsinnaapput.

Powered by Labrador CMS