Politiit ilisimannittunik ujaasipput: Ilulissani tillinniartoqarlunilu aserorterisoqarsimasoq

Ilulissani politiit sumiiffinni arlalinni tillinniartoqarlunilu aserorterisoqarsimaneranik sisamanngornerup unnuaani nalunaarfigineqarput. Maanna ilisimannittussarsiortoqarpoq.

Ilulissani sumiiffinni arlalinni aserorterisoqarsimaneranik tillinniartoqarsimaneranillu ilisimannittut politiit attavigerusuppaat.

Sisamanngornerup unnuaani 24. juni Kalaallit Nunaata Politiivi Ilulissani tillinniartoqarsimaneranik aserorterisoqarsimaneranillu arlaleriarlutik nalunaarfigineqarput. Meeqqerivik, meeqqat atuareernerup kingorna ornittagaat uumasullu nakorsaqarfiat ilaatigut iserfigineqarsimasut, Kalaallit Nunaata Politiivi tusagassiorfinnut nalunaaruteqarlutik allapput.

- Ilulissani Politiit saaffigineqarsinnaapput oqarasuaat 70 14 22 sianerfigalugu, imaluunniit politeeqarfimmut ornigunnikkut, politiit ilisimatitsipput.

Powered by Labrador CMS