Politiit ikuallatsitsisoqarsimasinnaaneranik takunnissimasinnaasunik ujaasisut
Nuup illoqarfiata immikkoortortaani Nuussuarmi naqqup iluanit pujoq ataasinngormat unnukkut aniammat politiit qatserisartullu ornigussimapput.
Politiit ataasinngormat unnukkut nalunaarfigineqarput, Nuup illoqarfiata immikkoortortaanni Nuussuarmi ikuallattoqannguatsiartoq.
- Ataasinngormat ualikkut nal. 18.06 nalunaarfigineqarpugut. Innuttaasup ataatsip ikuallassunnittoqartoq naamasinnaasimavaa, pigaartut pisortaat Aqqaluk Petersen oqaluttuarpoq.
Qatserisartut politiillu ornigutipallassimapput. Nuussuup Salliarnartaani illup naqqaniit pujoq aniasoq takuneqarsinnaasimavoq.
Misissueqqittoqarniartoq
- Qatserisartut pujoq unitsipallappaat, ikuallatsitsisoqarsimasinnaanerali avaqqussinnaanngilarput, pigaartut pisortaat oqarpoq.
Politiit teknikkikut misissueqqinniarput. Politiillu ikuallattoqarnera sioqqullugu ikuallannerulluunniit nalaani takunnissimasinnaasunik attaveqarfigineqarusupput. Politiit 70 14 48 aqqutigalugu saaffigineqarsinnaapput.
DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...