Skip to main content

Politiit ikiortissarsiorput - angut 19-inik ukiulik periarfeerunneqarpoq

Narsami Politiit innuttaasunut ikioqqupput. Angut inuusuttoq tallimanngormat Narsami festertunit anivoq takoqqinneqaranilu. Vædderen aamma Sisak ujaasitinneqarsimapput

Narsami politiit sukkasuuliaq angummik 19-inik ukiulimmik issimasulik ujaaraat, taannalu arfininngormat juulip 20-anni nalunaaqutaq ullaakkut tallimat missaanni Narsamit aallarsimavoq kingornalu takoqqinneqarsimanani.
Angut umiatsiaaqqamik Yamarin C 29-mik, 18-20 fodit missaannik angissusilimmik, aallartsimavoq, ammasumik ineerartalimmik. Umiatsiaq 115 HK-mik sakkortussusilimmik meqqia ilisimaneqanngitsumik motooreqarpoq. Umiatsiaaraq immikkut ilisarnaateqanngilaq ujaasissutaali saamerleq amigaataavoq, Narsami politiit tusagassiorfinnut nalunaarutikkut paasissutissiipput.
Angut ujaarineqartoq 19-inik ukiulik Qaqortormiuuvoq Narsamut feeriartoq. Paasisat malillugit tallikmanngornerup arfininngornerullu unnuaani festertilutik illoqarfimmi inuusuttunik allanik assortuuteqalersimavoq.
Qularnanngilaq taanna Narsami umiarsualivimmit talittarfimmit A34-mit aallarsimassasoq. Isiginnittoq isumaqarpoq tallimap missaani aallartoq.
Arfininngormat juulip 20-anni ilaqutaasut nal. 12.45 Narsami politiinut apeqqutigaat,  umiarsuaaraq Narsamiinngimmat Qaqortumullu tikissimanani, ilaqutaasullu angallavigisartagaq atuarsimagaluarpaart angallat nassaarinagu pasitsaassaqarfiginagulu.
Angut 19-inik ukiulik ujaarineqartoq taaneqarpoq angalanermik sungiussisimasutut, misilittagalittut inuttullu nalinginnaasumik silassorissusilittut, angalaffimmik tamassuminnga ilisimannittutut.
Politiit suleqatigalugit ingerlaannavik inuinnaat ujaasilerput, tamannalu peqatigalugu Aasiaat radio-annit PAN PAN-imik kalerrisaarisoqarpoq.
Tamanna peqatigalugu Issittumi Sakkutooqarfik attaveqarfigineqarpoq aaqqiissuussaasumik ujarlerneq aaqqissuunneqassammat. Umiarsuaaraq alapernaarsuut Vædderen, nalaatsornerinnakkut tamaaniittoq, ingerlaannavik ujaasitinneqalerpoq. Taassuma helikopteria ilanngullugu.
Aamma politiit angallataat Sisak 3 ingerlaannaq ujaaseqataatinneqalerpoq. Angalaffimik atuaraluarlugu helikopterimillu qulaajaraluarlugu angallat inuttaaluunniit malussarfigineqanngillat. Ujaasineq sapaatiummat ullaakkut Sisak 3-mik Vædderen-imillu nangeqqinneqarpoq.
Tamanna peqatigalugu inuinnaat arlallit ujaasineq nangippaat. Ilaqutariit isumaqatigereerlugit ikinngutaasup ikinngunni Facebook-ikkut ujarsimavaa.
Ujaasineq ingerlaannassaaq, poltiiillu kikkut tamaasa, ujarneqartumik takunnissimasinnaasut paasissutissiisinnaasulluunniit, qinnuigaat Narsami politiit tlf. 701124 atorlugu imaluunniit politeeqarfiit allat attaveqarfigeqqullugit.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER