Politiit eqqissisimasumik juulliararsiorput
Suliassat annikitsut eqqaassanngikkaanni Kalaallit Nunaanni Politiit juulliaqqami eqqissillutik sulipput.
Annonse
Nunatsinni politiit juulliaqqami pinartumik suliaqanngillat.
Tamanna politiit pigaartuannit Aqqaluk Petersenimit Sermitsiaq.AG-mut oqaatigineqarpoq.
- Angerlarsimaffinni tillinniartoqarsimaneranik suliassanik aallartitsinngilagut. Ikitsuinnarnik angerlarsimaffinnut sulianut attuumassutilinnut suliaqarpugut. Piffissaq eqqissisimaarfiusoq malunnarpoq, taanna oqarpoq.
Annikitsunilli suliaqarsimallutik oqaatigaa.
- Nuna tamakkerlugu angerlarsimaffinni tikilluaqqusaanngitsunik sulianik ikitsunik orniguppugut. Aamma nakuusernermik suliat marluk suliaraagut kiisalu aserorterisoqarsimaneranik suliat marluk suliarillugit. Taamaakkaluartoq annertunerusumik suliaqanngilagut, Aqqaluk Petersen oqarpoq.