Politiit coronamut tunngatillugu 12.000 kr.-nik pillaatitut akiligassiisut
Nuummi pisiniarfimmik piginnittoq, coronamut tunngatillugu malittarisassanik malinnissimannginnini pissutigalugu talliamnngormat 12.000 koruuninik akiligassinneqarsimavoq. Pisiniarfimmik piginnittup pillaatitut akiligassinneqarnini akueriumanngilaa, taamaammat suliaq eqqartuussivimmi aalajangiiffigisassanngortinneqarsimavoq.
Kalaallit Nunaanni Politiit Nuummi pisiniarfiutilik tallimanngormat 12.000 koruuninik pillaatitut akiligassippaat.
Pillaatitut akiligassiinermut pissutaavoq, politiit naliliinera malillugu pisiniarfiutillip inuit amerlavallaat pisiniarfimmut isertissimavai, pisiniat imminnut qanippallaannginnissamik piumasaqaammik malinnissinnaajunnaartillugit.
- Pisiniarfimmik piginnittup aamma qulakkeersimanngilaa, pisiniarfimmi sulisut pisinianut nerisassanik sassaalliinerminni aaqqateqarnissaat, poliiti tusagassiorfinnut nalunaaruteqarnermi allapput.
Om restriktionerne
Killilersuigallarnerit pillugit Namminersorlutik Oqartussat nalunaarutaanni nr. 21, 19. juni 2020-meersumi malittarisassat arlallit aalajangersarneqarsimapput, ilaatigut inuussutissarsiummik ingerlatallit COVID-19-ip tuniluussinnaaneranik pitsaaliuinermik malinninnissamut tassani akisussaaffeqarlutik.
Ilaatigut piumasaqaataavoq, init ajornanngippat imatut pequsersorsimassapput tuniluunnissaq minnerpaaffianiitinneqassalluni, tassunga ilaalluni pisisut pulaartullu imminnut qanillinnginnissaat periarfissaqartillugu.
Tamatuma saniatigut sulisut nerisassanik poortorneqarsimanngitsunik tuniniaanermi aaqqateqartussaapput, eqqiliusaarnissaq ileqqorissaarnissarlu pillugit Nunatta Nakorsaaneqarfianiit paasissutissanik nivinngaasoqartussaavoq, aamma pisinianut pulaartunullu ajornanngippat imermik qaqorsaammillu imaluunniit assammut spritimik peqartussaavoq.
Pissarsiffik: Politiit
Pisniarfiutillilli pillaatitut akiligassinneqarnini akueriumanngilaa, taamaammat suliaq eqqartuussivimmi aalajangiiffigisassanngortinneqarsimavoq.
Siusinnerusukkut 9.000 koruunik akiligassinneqarsimasoq
Politiit naapertorlugit, pisiniarfiutillip coronamut tunngatillugu malittarisssat allat pingasut unioqqutissimagamigit 9.000 koruuninik siusinnerusukkut akiligassinneqarnini akuerisimavaa.
Politmesterip oqaatigaa, politiit coronamut tunngatillugu malittarisassat pineqartillugit, inuussutissarsiummik ingerlataqartunut qaqutiguinnaq pillaatitut akiligassiisartut:
- Malittarisassat pillugit nunami inuussutissarsiummik ingerlataqartut oqaloqatigisarnerini ilitsersuisarnermilu angusaqartaqaagut. Pisumi matumani arlaleriarluta pulaartaraluarnerput ajoraluartumik naammassimanngilaq, taamaammat pillaatitut akiligassiisariaqarsimavugutr, politimesteri Bjørn Tegner Bay oqarpoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...