Politiit annaassiniarneq pillugu: Eqqortumik aalajangiisarsimavugut
Politiit Kangerluarsunnguami qamuteralattup sikukkut nakkarsimagunarneranik kalerrinneqarmata pinasuartumik iliuuseqartoqartussaasimavoq. Pissutsit taamaatsillugit allaanerungaartumik iliuuseqarsinnaasimanngilagut, politiit naliliipput.
- Pisimasoq una alianartorujussuaq inuiaqatigiit suleqatigiissinnaanerannut assersuutissaavoq.
Kangerluarsunnguami qamuteralattunik marlunnik, sikukkut nakkartunik, annaassiniarneq pillugu politimester Bjørn Tegner Bay taamatut inerniliivoq. Aappaa annappoq, aappaali uummassarneqaraluarluni ajunaarluni.
AG-p inuit qamuteralattartut ilaannit attaveqarfigineqarsimavoq, taakkualu isumaqarput annaassiniarneq sukkanerusumik ingerlanneqarsimasinnaagaluartoq. Inuit taakkua imminnut saqqummiukkusunngillat, AG-lli isornartorsiuinerat politiinut ingerlateqqippaa.
Politimesterip tikkuarpaa annaassiniarneq politiinit, Air Greenlandimit, Issittumi Sakkutooqarfimmit qamuteralattartullu peqatigiiffiannit Qamutineersunit ataatsimoorluni ingerlanneqarsimasoq, taakkulu Kangerluarsunnguami sikup sinaanut sukkasuumik takkussimapput pisorlu isiginnaarlugu. Kingorna annaassiniarnerup ingerlarnga pillugu peqatigiiffik politiillu ataatsimiissimapput.
Marsip arfineq-pingajuanni kalerrisaarineq siulleq pivoq nalunaaqutaq 13.13.
Vicepolitiinspektøri Knud Frederiksen, politiit upalungaarsimanermut immikkoortortaqarfianni pisortaq, oqaluttuarpoq, piffissami tassani nalornissutigineqarsimasoq qamuteralattoq sikukkut nakkarsimanersoq, imaluunniit kangerluup illua’tungaanut anngussimanersoq.
- Taamaattumik aallaqqaammut annaassiniarneq alapernaarsuinertut isigisimavarput, qamuteralattoq maqaasineqartoq sumiissusersiorlutigu, taanna oqarpoq.
Oqaluttuaq tamaat aviisimi AG-mi sapaatip-akunnerani matumani saqqummersumi atuaruk, akiliillutit ugguuna iserfigisinnaavat: