Politiit angummik Nanortalimmeersumik ujaasipput
45-nik ukiulik Ananiannguaq Jakobsen, kingullermik juunip pingajuani ualikkut marlut qeqqata missaanni takuneqartoq, Nanortalimmi politiinit ujaarineqarpoq.
Nanortalimmi politii Ananiannguaq Jakobsen ujaarivaat.
45-nik ukiulik Ananiannguaq Jakobsen, pingasunngormat juunip pingajuani ualikkut marlut qeqqata missaanni, Nanortalimmi angerlarsimaffimminit anisoq kingullermik takuneqarsimavoq.
- Tassani qernertunik/taartunik atisaqarpoq, qaqqallu tungaanut ingerlasoq takuneqarsimalluni, politiit tusagassiorfinnut nalunaarumminni ilisimatitsipput.
Politiit angut pineqartoq ujaarivaat, tammanngitsiarnermini nikallungalluni inummut qanigisaminut oqarsimammat.
Ananiannguaq Jakobsen imatut isikkoqarpoq:
170-175 cm angissusilik, nerinnattuunanilu tuattuunngitsoq
Naatsunik qernertunik nujalik
Angerlarsimaffinit anigami qernertunik/taartunik atisaqarpoq, aallaammillu ataatsimik puussianillu marlunnik nassataqarluni
Nanortalik Politiit innuttaasunut kaammatuutitaat, eqqaminni, quiminni kiilerimminilu pineqartumik qinaaseqqullugit.