Skip to main content

Politiit angallatissaat nutaat Faaborgimi aallartinneqartut

Faaborg Værft maanna politiit angallataasa pingasut taartissaannik sisamanik sanaartortussaavoq. Angallatit nutaat 2021-mi suliaralugit naammassineqarsimanissaat naatsorsuutigineqarpoq.

Suliarinnittussarsiuussisoqareersoq aamma neqerooruteqarsimasut tallimaasimariarlutik sisamanngorsimasut isumagineqareermata, Kalaallit Nunaanni Politiit angallatissaat sisamat nutaat sananeqarnissaat pillugit Naalagaaffimmi Politiit Kalaallillu Nunaanni Politiit Faaborg Værft A/S-imik atsioqateqarsimapput. Politimesterip Bjørn Tegner Bayip tamanna Sermitsiaq.AG-mut uppernarsarpaa.

Angallatissat nutaat pillugit paasissutissat:

Takissusaat: 14,99 m

Itsinerisa takissusaat: 13,65 m

Silissusaat: 4,25 m

Itsinertussusaat: 1,60 m

Tamakkersorluni sukkassusaat: Miss. 25 knob

Motoorii: Angallatit iluni Volvot marluk

2019-imi januaarip qaammataanili politiinit nalunaarutigineqarpoq, politiit angallataannit sisamaasunit pingasut angallatinik mikinerusunik sukkasuulianik tallimanik taarserniarlugit miliuunilikkaanik aningaasaliissuteqartoqarsimasoq. Sisamallu taakku suliarineqarnissaannut maanna isumaqatigiissuteqartoqarpoq.

Qanoq sukkatigisinnaaneri isertuussaasut

Angallatissat nutaat takku sisamat sukkasuuliaapput, glasfiberimik sanaajullutik aqqaneq-marlunnik ilaasoqarsinnaasut aamma marlunnik inuttaqarsinnaasut. Ulikkaarlugit angallassinermi sukkanerpaamik 25 knobersorsinnaapput, politimesteri ilisimatitsivoq.

- Iliuuseqarnissamut pilersaarusiortarnerput eqqarsaatigalugu qanoq tamakkersorlutik sukkatigisinnaaneri motooriisalu annertussusaat ilisimatitsissutigisinnaanngilakka, taanna oqarpoq.

Angallatit taakku sisamat Qaqortumi, Nuummi, Sisimiuni Aasiannilu inissisimasassapput, Angallammik taakkunannga mikinerususamik, Tasiilami inissisimasartussamik sanasoqarnissaanut angallatiliorfimmik allamik suli isumaqatiginninniartoqarpoq.

Angallatit nunatta imartaani annaassiniarluni sukkasuumik aallapallassinnaasutut sumiiffinnullu politiit suliassaqarfiinut ornigutipallassinnaasutut aaqqissuussaapput, politimesteri ilisimatitsivoq.

Angallatit imarsiortunik marlunnik inuttaqassasut

Angallatissat tamarmik 2021-ip ingerlanerani tunniunneqarnissaat naatsorsuutigineqarpoq. Marluk upernaap naalernerani marlullu ukiakkut

Pilersaarutaavoq angallatit imarsiortunik marlunnik inuttaqartinneqarnissaat. Maanna angallatigineqartut tallimanik inuttaqartarput, angallatissallu nutaat tamarmiusut katillugit imarsiortunik 13-ink inuttaqartinneqassallutik, maanna angallatigineqartut katillugit 17-inik sulisoqarput.

Bjørn Tegner Bayip oqaluttuara, angallatissat qanoq isikkoqarnissaat Kalaallit Nunaanni Politiinit aalajangerneqarsimasut, tassani politiini sulisut, imarsiortut inatsisilerituullu umiarsualiortarfimmi siunnersortit peqatigalugit aalajangersaasoqarsimalluni.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER