Politiit angallataat tallimanik ilaneqassapput

Inunnik annaassiniarnernut sukkanerusumik appakaattalernissaq anguniarlugu angallatinik sukkanerusunik Kalaallit Politiivi pisissapput

Kalaallit Politiivisa angallataat sisamaasut pingasut tunineqassapput, taarsiullugu angallatinik sukkanerusunik tallimanik pisisoqassalluni.

Sukkanerusumik angallateqalernissaq ujartorneqarpoq. Assersuutigalugu umiatsiamik kivilersumut sukkasumik appakaassinnaanissaq nunaqarfimmiluunnii aallaasersirtiqarsimappat aamma sukkanerusumik appakaassinnaanissaq ujartorneqarpoq.

Sukkasuuliat
- Angallataatigut 11-12 knobimik sukkassusilimmik angalasinnaapput. Umiatsiat pisiassagut sukkanerusussaapput, 40 knobersinnaassallutik, Bjørn Tegner Bay tusagassiortunik katersuutitsinermi oqarpoq.

Sipaarniartoqalinngitsoq ilisimatitsissutigaa. Angallatit nutaat pisiarineqartussat 20-30 million koruuninik akeqassapput. Maanna angallatigineqartut ukiumut 14 millioneqarput.

Angallat avannarpasinnerpaamiittoq Sisimiuniippoq. Angallatit pisiarineqarpata Aasianni Tasiilamilu politiit angallateqalissapput. Sisimiuni, Nuummi Qaqortumilu aamma angallatit nutaat inissinneqassapput.

Neqeroorsusiortitsineq
Ukiut marluk qaangiuppata angallatit pisiarineqarsimassasut naatsorsuutigineqarpoq, maannalu neqeroorusiortitsinissaq tullinnguuppoq.

- Politiinut tulluarsakkanik angallateqassaaq. Pisiassagut 40 fod missaaniissapput, ataaseq 25 fod-iussalluni, politimesteri ilisimatitsivoq.

Aasianni angallateqalissaaq
Angallat minneq Tasiilamiissaaq, assersuutigalugu Piterartoqalerpat appakaatipallassinnaalluni.

Politiit angallataanni sulisut nutaanik angallatitaarnissat pillugit ilisimatinneqareerput, tamangajammik angallatini assigiinngitsuni sulisussatut siammartinneqassallutik.

Soraarsitsisoqarsinnaavoq
- Sulisorineqartut ataasiakkaat suliffitik attatiinnassaneraat qulakkeersinnaanngilara. Angallannerup Pisortaqarfiata piumasaqaatai qanoq issanersut suli ilisimanngilarput, angallatit suli pisiarineqanngimmata, Bjørn Tegner Bay oqarpoq.

Maanna angallatit pigineqartutut angallatitaassat pisinnaasaqassasut ilisimatitsissutigaattaaq.

Powered by Labrador CMS