Politiit ajunaalernermi ikiortissarsiorsimasumik ujaasisut
Sisamanngormat ualikkut Nuup Kangerluani ajunaalernermi ikiortissarsiortoqarsimavoq, politiillu ajornartorsiorsimasoq attaveqarfigerusuppaat, politiit paasissutissaataat naapertorlugit pineqartoq ikiorlugu Nuummut apuunneqarsimavoq.
Aasiaat Radioat inummit ajornartorsiortumit Nuup Kangerluaniittumit sisamanngormat ualikkut nal. 16.21 kalerrinneqarsimavoq.
Ulloq taanna kingusinnerusukkut angallammit ajornartorsiortumut ikiuussimasumit aamma nalunaaruteqartoqarpoq.
Nalunaarut naapertorlugut angallatip pineqartup ajornartorsiortoq Nuummut apuussimavaa.
- Tassunga atatillugu inut ajunaalerluni kalerriuteqarsimasoq attavigerusupparput, Brian Thomsen Kalaallit Nunaanni Politiini pigaartut pisortaat oqarpoq.
Pigaartut pisortaata ilisimatitsissutigaa, politiit ajonartorsiortumik annaassiniarnermut peqataasimanngitsut, politiilli inummut ajunaalerluni kalerriisimasumut apeqqutissaqartut.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...