Skip to main content

Politiit: Aasianni ipisoq ajunaarpoq

Politiit misissuinertik naammassivaat.

Angut Aasianni talittarfimmi ipisimasoq ajunaarpoq.

Politiit tusagassiuutinut nalunaarummi paasissutissiipput.

- Misissuinerup toqusimasulli timaata misissuiffigineqarnerata kingorna pinerluttoqarsimanngitsoq ersersippaa, tassalu ajunaartoqarsimasimalluni, politikimmissæri Sebastian Bech allappoq.

Toqusimasup timaata misissorneqarnerani erseqqissarneqarpoq, pineqartoq ipisimasoq.

Tamanna ippassaq ullaassakkut nal. 05.00 missaani, Aasianni Polar Seafoodip tunitsiviani suleqataata pineqartoq immami 3 meterisut ititigisumi ipeqqasoq toraarpaa.

Ajunaartoq unnukkut nal. 20.00 missaani Polar Seafoodip tunitsiviata eqqaani kingullermik takuneqarsimavoq.

Qanorli isilluni imaanut nakkarsimanersoq suli maannamut ilisimaneqanngilaq.

Toqungasup timaa tunniunneqarsimalerpoq. Tassalu ajunaarsimasoq qanigisaminit ilineqarsinnaanngorluni.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER