Politiit aallaaniarnissaq pillugu: Minnerpaamik ataatsimik ilaqarit

Aallaaniarnissaq qanillivoq, Kalaallillu Nunaanni Politiit piniariarniartunut ilaatigut eqqaamaqquaat, kisimiilluni aavariartoqannginnissaa aamma qaqukkut uterniarnerluni ilaquttanut ikinngutinullu nalunaaruteqarnissaat.

Arfinngorpat umimmanniarnissaq tuttunniarnissarlu aallartissaaq, tassaungalu atatillugu Kalaallit Nunaanni Politiit pitsaasumik isumannaatsumillu piniariarnissamut arlallik isummersuipput.

Politiit ilaatigut kaammattuutigaat, ksimiilluni aavariartoqannginnissaa:

- Minnerpaamik ataatsimik ilaqarit, Kalaallit Nunaanni Politiit facebookiminni allapput.

- Ilaquttatit ikinngutitilluunniit paasitikkit qaqugu utissanganerlusi. Sumukarfissasilu tamaasa paasitissigit, ilanngullugu allassimavoq.

Tillinniartoqarsinnaanera eqqumaffigisiuk

Politiit aamma eqqaasitsissutigaat, tuttunniarnissamut umimmanniarnissamullu allagartap nassarneqarnissaa aamma aallannginnermi sakkut misissorneqarnissaat illoqarfiullu avataani misilerarneqarnissaat.

Politiit saqqummiussaq alla aqqutigalugu piniariarniartunut eqqamaqquaat, avariannginnermi tillinniaqannginnissaa pillugu angerlarsimaffinnik isumannaarinissaq:

- Pisaqarluarsimallutit angerlarsimaffinnut imaqanngitsumut angerlaruit ilinnut nuannernavianngilaq. Tamannalu pinaveersaartikkusupparput.

Eqqaamallugu tillinniaq assersuutigalugu facebookikkut angalaninni assinik ikkussannut malinnaasinnaammat.

- Facebookikkut ikkussukkatit eqqarsaatigilluakkit, Kalaallit Nunaanni Politiit allapput.

Powered by Labrador CMS