Politiinngorniat biilit 408-t unitsippaat

Nuummi biilertut 24-t akiligassinneqartussanngorput

Politi patrulje

Illoqarfiit pingaarnersaanni sapaatip-akunnerata aallartinnerani ullaap tungaanit ualip tungaanut sumiiffinni arlalinni aqqusinikkut angallattunik misissuisoqarpoq. Politiit biilertunik misissuinerat politiinngornianit ilinniarnermut atatillugu ingerlanneqarpoq.

Politiinngorniat biilit 408-t unitsippaat, biilimillu ingerlatsisut ingerlatsisinnaanermut allagartaqarnersut, qitequteqarnersut aamma mobilikkut oqaluussinnginnersut misissorpaat.

Allagartamik nassaratik biilertut

Aqqusinermi angallattunik misissuinermut atatillugu akiligassiinissamut sulianik 24-nik politiit aallartitsipput, Kalaallit Nunaanni Politiit tusagassiinermut attaveqaqatigiinnermullu sulisuat, Camilla Palmann ilisimatitsivoq.

- Innuttaasut biilernermut allagartaminnik tassataqanngitsut, qitequsersimanngitsut, biilinik ingerlatsisinnaanermut allagartaqanngitsut aamma mobilikkut oqaluttut tassani pineqarput, taanna oqaluttuarpoq.

Akiligassat amerlassusaat

Tusagassiinermik aamma attaveqaqatigiinnermik suliaqartoq akiligassat amerlassusaannik assersuusiorpoq:

  • Ingerlatsisinnaanermut allagartamik nassataqannginneq: 500 koruunit
  • Qitequteqarani angalaneq: 500 koruunit
  • Ingerlatsisinnaanermut allagartaqarani angalaneq: Minnerpaamik 2.000 koruunit – siullermiinngikkaanni akiligassat amerlassusaat annertunerusarpoq
Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS