Politiimut persuttaasimasutut tigusarineqartoq

Angut aalakoorluni biilersimasutut politiinullu persuttaasimasutut ulluni 25-ni sapaatiummat tigummigallagassanngortinneqarsimavoq.

Ilulissani arfininngormat unnukku pisimasoq angutip ulluni 25-ni tigummigallagassanngortinneqarneranik kinguneqarallarpoq.

Politiit suliamut atatillugu oqaaseqarsinnaanera killeqarpoq, pisorli arfininngormat unnukkut pisimavoq, tassani politiit Ilulissani aalakoorluni biilertoqarneranik nalunaarfigineqarsimapput, pigaartut pisortaat Bent Johnsen oqaluttuarpoq.

Politiit biilertoq attavigisimavaat, politiillu naapertorlugit angut pineqartoq ilaatigut politiimik isimmittaasimavoq.

Biilertoq tigusarineqarsimavoq, Qaasuitsullu Eqqartuussiviani sassartinneqarmat, angut tigummigallagasssanngortinneqassasoq dommeri aalajangiisimalluni.

Pigaartut pisortaata oqaatigaa, suliaq maanna misissuiffigineqartoq.

Powered by Labrador CMS