Politi: Aqqusernit quasattut biilinut unammillernarput
Nuummi apisimariarluni aqquserngit quatsersimagaluartut, taamaattoq biilerluni ajutoortoqarsimanngilaq. Sinerissami sumiiffiit ilaanni aqquserngit quasassinnaagaluartut aamma ajutoornernik nalunaarutiginnittoqarsimanngilaq.
Pinsep ulluini Nuummi sinerissamilu illoqarfiit ilaanni nittaangaatsiarpoq.
Nuummi innuttaasut marlunngornermi ullaakkut iterput nuna aputaannaasoq aqquserngillu quatsersimasut. Pingaartumik Nuussuarmiit Nuup tungaanut biilertut akornuserneqarput, biilit nalinginnaasumit sivisunerusumik tunuleriaattariaqalersimammata.
Aqquserngilli quasakkaluartut illoqarfiit pingaarnersaanni biilerluni ajutoornernik nalunaaruteqartoqarsimanngitsoq, politiit pigaartuisa pisortaat Sermitsiaq.AG-mut ilisimatitsivoq.
- Illoqarfimmi aqquserngit qanoq quasatsigineri misissoreerpagut, pingaartumik Nuup tungaanut qummukajaakkut allanilu qummukajaani aqquserngit quasannerupput. Ajutoorsimasunilli nalunaarutinik tigusaqanngilagut - qujanartumik, Julie Senderovitz Bendtsen Sermitsiaq.AG-mut oqarpoq.
Taanna ilisimatitsivoq politiit kommunimut paasiniaasimasut, kommunilu ilisimatitsisimasoq aqquserngit siorarterneqalereersimasut.
Sinerissami sumiiffinni aqqusernginik quasattoorfiusinnaasuni aamma ajutoornernik nalunaartoqarsimanngilaq.
Imigassartorsimalluni biilertoq ataaseq
Akunnerit 24-t kingulliit politiinut aamma eqqissisimanarnerusimapput.
Julie Senderovitz Bendtsen ilisimatitsivoq imigassartorsimalluni biilertoq ataaseq marlunngornerup unnuaani nalunaaqutaq 03.40 nalunaarutigineqarsimasoq.
- Biilit qernertut illoqarfimmiit Nuussuarmut ingerlaarsimapput. Aquttuusoq alkoholpromille killigitinneqartoq qaangerlugu imigassartorsimalluni aqussimavoq. Biilit politiinit piaartumik nassaarineqarput, aquttuusorlu tigusarineqarpoq misissugassamillu aaverneqarluni, politiit pigaartuisa pisortaat ilisimatitsivoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...