Skip to main content

Ujajaanermik suliami arnat marluk unnerluutigineqartut

Pingasunngornerup unnuaani ujajaasoqarneranik nalunaaruteqartoqarnerata kingorna politiit arnat marluk tigusaraat. Arnat iperagaaqqereerput, kisianni suliami unnerluutigineqarput.

Qaqortumi ukiukitsoq aallaaneqarluni toqusoq

Sapaatiummat ukiukitsoq aallaaneqarnermi kingorna toquvoq. Ukiukitsoq alla maanna misissuaannermit toqutsisutut suliami unnerluunneqarpoq.

Ujajaasoqarnerata kingorna pasisat marluk tigusarineqartut

Pingasunngornerup unnuaani politiit Nuummi aqqusinermi ammaannartumi ujajaasoqarneranik nalunaarfigineqarput.

Biilinik ajutoortoqarnerani arnaq 52-inik ukiulik ajunaartoq

Nuummi ataasinngornermi ualikkut arnaq sikkilertoq lastbilinit aporneqarluni ajunaarpoq. Ilaqutaasut kalerrinneqareerput.

Qaqortumi arnaq tammaaneqartoq toqungasoq nassaarineqarpoq

Arnaq inuusuttoq Qaqortumi arfininngormalli tammaaneqartoq, illoqarfiup ungasinngisaani nunami ajunaarsimasoq ataasinngornermi nassaarineqarpoq. Kalaallit Nunaanni Politiit ataasinngornermi unnukkut taama nalunaaruteqarput.

Kapisilinnut arpattoqarnerani politiit nakkutilliissapput

Imigassartorsimallutik umiatsiamik angalasut, aamma isumannaallisaanermut atortunik atuineq kiisalu weekendip Nuuk-Kapisillit Tourimi Kapisilinni eqqissisimatitsiniarlutik politiit nakkutilliiniarput

Arnaq inuusuttoq ujaarineqartoq: Ujaasineq nanginneqarpoq

Qaqortumi politiit arnaq inuusuttoq 20-t missaanni ukiulik ujaaraat. Kingullermik arfininngornermi ullaakkut arnamut attaveqartoqarpoq. Ataasinngornermi ullaakkut suli nassaarineqanngilaq.

Politiit Hans Egedep eqqaassutissaata serlersaarfigineqarsimanera suli paasiniaavigaat

Hans Egedep eqqaassutissaanik ukiup ataatsip matuma siorna qalipaammik kueraasimasut suli nassaarineqanngillat.

Unnuaq ulapaarfiusoq: Nuummi angerlarsimaffinni eqqissiviilliornerit

Oqarasuaat unnuaq naallugu sianiinaavippoq. Angerlarsimaffinni eqqissiviilliornerit tamarmik imigassartorfiupput.

Politiit: Unnuaq ulapaarfiunngilaq

Inuit akissarsinikuummata politiit tallimanngornerup unnuaanni ulapaarnissartik naatsorsuutigigaluarpaat. Sineriak tamakkerlugu ulapaarfiunngilaq, pigaartut pisortaat Johan Knudsen Westen oqarpoq.

Umiatsiaaqqami motoorimik unittooreerlutik tigusarineqartut

Angutit inuusuttut marluk tallimanngornermi ullaakkut umiatsiaaqqamik ’eqqumiitsumik’angalanerup kingorna tigusarineqarput.

Ilisimannittussarsiorneq: 15-inik ukiulik Sisimiuni arfininngormat persuttarneqartoq

Aqqusinermi Nikkorsuit-ni, imerniartarfiup Raajap ungasinngisaani nukappiaqqamik 15-inik ukiulimmik persuttaasunik takunnissimasinnaasunik Sisimiuni politiit ujaasipput.