Skip to main content

Polikeri trikininik perululluni napparsimasoq

Inuit Ataqatigiinneersoq Bent B. Kristiansen, aasaq Narsami ataatsimiillutik nannup neqaanik toqunartulimmik nerisimalluni ilimagaa

Qasorujussuarneq, kiakkerujussuarneq aamma nukiit nukissaaruttut. Tamakku ersiutaasut Inuit Ataqatigiinni siulersuisuunerni ilaasortaasoq, Bent B. Kristiansen, nakorsiarneranik kinguneqartitsipput.

Taamanikkulli neqimit qullugissat timimi siaruaakkiartortut ilisimanngilaa, tamatumalu perululluni napparsimatippaa. Aatsaat taanna qanittukkut paasitinneqarpoq, qullugissallu nukinni pullartannguutereersimapput.

- Timinni trikineqartoq paasineqarpoq, Bent B. Kristiansen Sermitsiaq.AG-mut oqaluttuarpoq.

Nammineerluni qanoq tunillatsissimanerluni ilimagivaa; Inuit Ataqatigiit aasaanerani Narsami ataatsimiinnermi.

- Grillimi nerisassianik sassaallerfigineqarpugut, kapuummilu siatsimmiittunik nannup neqaanik peberfrugtinillu kappusimasulinnik pivunga, politkeri oqaluttuarpoq, taanna aamma Qaasuitsup Kommuniani kommunalbestyrelsimut ilaasortaavoq. 

Taassuma nannup neqaa siullermeerluni misilippaa, pingasut sisamalluunniit nerisimavai. Sapaatip-akunneri marluk qaangiuttut napparsimaleriasaarpoq.

- Ullut 16-it missaat qaangiuttut ersiuteqalersarnermut (trikinosemut, aaqq.) tulluarpoq. Nualluummut assingusumik napparsimalerpunga. Kiaguttaqattaarpunga, qasusorujussuullungalu nukikka tamakkiisumik atorsinnaajunnaarpakka, Bent B. Kristiansen eqqaamasalikkersaarpoq.

Piffissami tassani Narsami nerisat napparsimanermut pasilliutigineqanngillat.

- Taakku virusiunerarpaat, taamaammat nakorsaatitortinneqanngilanga.

Sapaatip-akunnera qaangiutiinnartoq Bent B. Kristiansen peqqinnissaqarfimmut saaffiginneqqippoq. Nukiminik atuisinnaanera 60-70 procentit missaani appariarsimasoq, ilaatigut nammineq nalilerpaa.

- Aseruuttoornera piffissami sivikitsumi annertuseriarujussuarsimavoq, taamaammat peniceilinitorpunga.

Neqimik trikineqartumik nerisimagaani, piffissami siullermi qullugissat quperlunnguutinnissaat, taamaalillutik piaqqiunnginnissaat anguniarlugu nakorsaatitortoqartariaqarpoq nakorsaatitortoqartariaqarpoq. Taakkumi nukinni pullartannguussinnaapput, ukiorpassuarnilu ersiuteqartitsillutik.

- Maanna qullugissanik inalukkanniissinnaasunik toqutsisussanik nakorsaatitoreerpunga, kisianni nukinni pullartat peersinnaagunanngilaat, Bent B. Kristiansen ajuusaarluni oqarpoq, taassumali aasaaneranit peqqinnerujussuunini oqiliallaatigaa.

- Suli qasulaarpunga, isimalu nalaani pullallnga, kisianni ajunngilanga, taanna oqarpoq.

Taassuma aasaanerani ataatsimiinnermi peqataasut allat attaveqarfigisimavai, trikininillu tunillatsissimanersut aaversinnissaat oqarfigalugit.

Kikkut tamarmik misissortissappata annertussaaq, tassami ataatsimiinnermi peqataasut amerlagatta. Siulersuisuunerit tamarmik aamma partiimeersut allat peqataapput.

Oqartussat maanna Bent B. Kristiansenip ilimagisaatut, aasaanerani nannup neqaanik nerisap tunillaasimanera misissorpaat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER