Polar Seafood: Raajat tunisaanerat annertusiartoqqippoq

Polar Seafoodimit maluginiarneqarsimavoq, coronap tuniluunnerani neriniartarfiit, kantiinat assigasallu nunani matoorarneqarmata, raajat tunisaanerat annikillerujussuarsimariarluni annertusiartoqqilersoq.

- Raajanik uutanik qalipaajakkanillu niuerneq iluarsiartoqqilerpoq, Polar Seafoodip siulersuisuini siulittaasoq Henrik Leth ilisimatitsivoq. Corona ajornartorsiortitsileruttormat Polar Seafood aalajangersimavoq, raajanik qalipalinnik niuerneq annikillisinniarlugu, paarlattuanillu raajanik uutanik qalipaajakkanillu niuerneq annertusiniarlugu.

- Raajanut akigititat, coronap ajornartorsiortitsilernerata siornanut sanilliullugu suli appasipput. Raajanut akigititat pitsaaneruleriartornerannik malugisaqanngilagut, piumaneqarneralli annertusiartoqqilerpoq, Polar Seafood imi siulittaasoq, saarullinnut Kalaallit Nunaanneersunut tunngatillugu nuannaarutissaqarpallaanngitsoq oqarpoq.

Saarulliit tuniuminaaqisut

Kalaallit Nunaanni suliffeqarfiit namminersortut annersaata maluginialersimavaa, saarulliit nunarsuarmi niuerfinni qanoq tuniuminaatsiginerat.

- Akigititavut apparaluaratsigit, uninngasuusivigut suli imaaruninaattupilussuupput. Akigititat qularnartortaqarput, uninngasuusivivullu imaassagutsigit akigititat appariartuinnarsinnaapput, niuerfinnillu pissutsinut naleqqussaasariaqaratta tunisinermi akigititavut appartittariaqaratsigit aalisartumut tamanna eqquisussaavoq, Henrik Leth ilisimatitsivoq.

Powered by Labrador CMS