Polar Seafood: Kilisaataatileqatigiiffiup pisortaqarfia Nuummut nuuppaa

Polar Seafoodip pisortaanerata Jens Friis Sallingip kilisaataatileqatigiiffiup pisortaqarfiata Jyllandimi Vodskovimit Nuummut nuunneqarnissaa aalajangerpaa.

Kalaallit Nunaanni suliffeqarfiit namminersortut annersaata siunissami pisariaqartinneqartunut piareersarniarluni umiarsuaatileqatigiiffiup pisortaqarfia Vodskovimit Nuummut nuunniarlugu aalajangerpoq.

Kilisaataatini kalaallit naalakkat amerlanerusut ilinniartinnissaat ilaatigut siunertaralugu taamatut aalajangertoqarpoq, Jens Salling tusagassiuutinut nalunaarummi ilisimatitsivoq.

Maanna kilisaataatinut pisortap Jørgen Fossheimip Danmarkimi najugaqaannarnissani aalajangiuppaa, taamaattumillu Polar Seafoodilu ataatsimut isumaqatigiissuteqarnikkut suliffeqarfik qimappaa.

Kilisaataatinut pisortaq nutaaq

Tamatuma kinguneranik kilissaatinik aqutsisutut suliat siunissami Nuummi allaffimmiit Jens Jørgen Egedemit tigummineqalissapput. Kilisaatigisanut fabrikiutigisunut atatillugu teknikikkut ingerlatsineq Ole Jørgensenimit tigummineqassaaq Kalaallit Nunaannilu aalisariutinik minnerusunik aqutsineq Henning Rasmussenimit tigummineqassalluni.

- Jørgen Fossheim siunissami ajunnginnerpaanik kissallugu, Polar Seafood Greenlandimi ukiuni qulini tunniusimalluni sulisimaneranik qutsavigaarput, Jens Salling oqarpoq.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS