Skip to main content

Polar Seafoodip sinneqartoorutini 100 millionit koruuninik annertusivaa

Kalaallit Nunaanni aalisakkanik nioqqutassiortut namminersortut annersaat, 2015-imi akileraaruteqannginnermini 335 millionit koruuninik sinneqartooruteqarpoq

Suliffeqarfissuaq Polar Seafood 2015-imi angusaqarluarpoq.

Taanna akileraannginnermi 335 millionit koruuninik sinneqartooruteqarpoq, tamannalu 2014-imit 100 millionit koruuninik annertuneruvoq. Suliffeqarfillu ukiumi naatsorsuiffimmi 2015-imi Kalaallit Nunaanni pisortat aningaasaateqarfiinut 316 millionit koruuninik tapeeqataalluni, ingerlatsivik ilisimatitsivoq.

Atuaruk: 216 millioner koruuninik siorna tunniussaqarpoq

Kaaviaartitat amerlatsittut
2015-imi 3 milliardit koruunit pallillugit kaaviiaartinneqarput 2014-imi 2,5 milliardit koruunit kaaviaartinneqartut. 

Polar Seafood siorna agguaqatigiissillugu 11,6 procentimik sinneqartooruteqarpoq, piginneqatigiillu aningaasaataat maannakkut 1,2 milliardit koruuninngorlutik.

Aalisartunut amerlanerusut
Pisat akii aamma qaffariarnikuupput, piginneqatigiiffiullu atortussiassanut Kalaallit Nunaanni aningaasartuutai katillugit 114 millionit koruuninik qaffariarlutik 431 millionit koruuninngorput, tassa 36 procentimik qaffariarlutik.

Kalaallit Nunaanni sulisorisat 97-inik amerleriarput, piginneqatigiiffiup nunani allani suliffeqarfiutaanni sulisut amerlassusaat nikinngitsut.  

Iluarisimaarluartut
- Ukiumut naatsorsuutit iluarisimaarpagut, tamatumunngalu sulisorisagut pikkorissut sallersaatillugit qutsavigisariaqarpagut, Henrik Leth tusagassiuutinut nalunaarummi oqarpoq.

Sinaakkutit pitsaanerusut
- Aatsaat taama inuiaqatigiit akornanni annertusaanissaq pisariaqartinneqarpoq, tamannalu namminersorlutik inuussutissarsiortut pilersittussaavaat. Annerunianngikkaluarlunga oqaatigisinnaavara, suliffeqarfittut ingerlalluarlunilu aqunneqarluartunut Polar Seafood assersuutissaqqittoq, qujanartumillu Kalaallit Nunaanni assigiinngitsunik sammisaqarlutik namminersorlutik inuussutissarsiortut arlaqartut aamma taamatut ingerlalluarput.

- Taamatulli naammassisaqartuassagutta, aalaakkaasunik siumut nalunanngereersumik sinaakkutissinneqartariaqarpugut, aningaasaliissuteqarnissaq pilerinarsarlugu. Tamatuma akerlianik periuseqarneq, namminersorlutik inuussutissarsiortut tamatta kissaatigisatsitut siumukarnissaannut akornutaanerpaavoq, siulersuisuni siulittaasoq Henrik Leth naggasiivoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER