Skip to main content

Aalisakkanik suliffissuaqarneq: Nunanit allanit suliartortut Kalaallit Nunaannik ingerlatitseqataapput

Aalisakkanik suliffissuaqarneq tunisassiornerup ingerlatiinnarnissaanut nunanit allanit suliartortunik annertuumik pisariaqartitsivoq.

Nunanit allanit suliartortut Kalaallit Nunaannik annertuumik ingerlatitseqataapput. 

Taamak allaaserisaqarpoq aviisi Sermitsiaq.

Sermitsiap suliffeqarfinnut aalisarnermik suliffeqarfissuarnut aamma akunnittarfinnut, neriniartarfinnut kaffisorniartarfinnullu apersuineranit tamanna naqissuserneqarpoq.

Kalaallit Nunaanni suliffeqarfiit annersaannit marlunnit, Royal Greenlandimit aamma Polar Seafoodimit, nunanit allaneersunik sulisoqanngikkunik tunisassiorfiit arlallit ingerlassinnaanngikkaluartut oqaatigineqarpoq.

Royal Greenlandip Ilulissani tunisassiorfissuani nunaqavissut suliartoraangamik, nunanit allameersumik suleqatiminnik naapitsinissaat aatsaat taama annertutigilerpoq. Sulisartut 45 tikillugit amerlassusillit Filippinerinit aamma Kinamit suliartortuupput.

Polar Seafoodip Nuummi aamma Aasianni tunisassiorfiini marlunni sulisut nunanit allaneersut aamma amerlapput. Tunisassiorfiit nunanit allaneersunik sulisoqaratik ingerlanneqarsinnaannginnersut pillugu apeqqummut, suliniutinut pisortaq Lars Juul Pedersen, ima oqarpoq:

- Ingerlatsisinnaajunnaassagaluarpugut, Majoriamit sulisussanik pisariaqartunik taama amerlassusilinnik pissarsisinnaannginnatta imaluunniit innersuussivigineqarsinnaannginnatta.

Polar Seafoodip aammattaaq tunisassiorfiit Rode Bay Fish, Sigguk Uumannaq aamma Polar Seafood Upernavik ingerlappai, taakkunanilu nunaqavissunik Polar Seafood pisariaqartitsitillugu sulisussarsiniarneq ajornartarpoq. Taamaammallu nunanit allamiunik pisariaqartitsisoqartarpoq.

Allaaserisaq tamaat aviisimi Sermitsiami atuaruk:

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER