Skip to main content

Polar Seafood nutaamik aalisakkeriviliulerpoq

Kalaallit Nunaanni aalisakkeriviup namminertunit pigineqartup annerpaap, Polar Seafoodip, Norgermi aalisakkeriviutini marluk tuniniarpai nutaamillu qaleralinnut aalisakkerivimmik Upernavimmi sanassalluni.

Polar Seafoodip Upernavimmi aalisakkerivik qaleralinnik saattussanillu suliaqarfiusussaq nutaaq 2019-imi upernaap ingerlanerani ammassallugu naatsorsuutigaa.

Sananissamut 40 milliuunit koruunit aningaasaliissutigineqarput.

Suliffissat nutaat 20-t

- Nutaamik illoqarfimmi tassani (Upernavik, aaqq.) inissiinissaq isumatusaarneruvoq, nalilersoratsigu pisuussutit naammattut sulisussallu naammattut tassaniittut. Naatsorsuutigaarput aalisakkerivik ikinnerpaanik 20-nik sulisoqassasoq. Tunisassiorneq nutaaliaalluinnartuussaaq, tunisassioriaaseq nunat tamalaat akornanni piumasaqaatit malillugit ingerlasussaammat, aamma suliffiup avatangiisai sulisullu atugarisassai eqqarsaatigalugit. 40 milliuunit koruuninik aningaasaliivugut, taamaattumik tunisassiorfik Upernavimmi uummarsaataassaaq. Raajartassat saattuartassallu sumiiffimmi isumalluarfigaagut, illoqarfiullu inerisaaqataaffiginissaanut qilanaarluta, Polar Seafoodimi siulersuisuni siulittaasoq, Henrik Leth, ilisimatitsivoq.

Norgemi tunisassiorfiit tuniniarneqartut

Polar Seafoodip nunatta avannaani aalisakkerivimmik nutaamik sananissamik nalunaaruteqarnermi saniatigut ilanngullugu ilisimatitsissutigaa Norgemi aalisakkeriviit marluk tunisimallugit: Polar Seafood Berlevåg aamma Polar Seafood Kjølleford.

Coast Seafood A/S, Brødrene Karlsen Holding A/S aamma Gunnar Klo A/S, aalisakkerivinnik marlunnik Finnmarkimiittunik pisisussatut allaqqapput.

- Polar Seafoodip Finnmarkimi aalisakkanik saattussanillu tunisassiorneq ukiuni arlalinni inerisarluarsimavaa, taamaattumik tunisassiornerup siunissami ingerlaannarnissaa qulakkeerneqarpoq, Sverre Søraa, Coast Seafoodimi pisortaq, tunisassiorfimmik tigusinermut atatillugu oqaaseqaateqarpoq.

Siuarsaanissamut periarfissaliisoq

- Taamaaliornissaq uagutsinnut maannakkut inissaminiippoq, Polar Seafoodip siulersuisuisa siulittaasuat oqarpoq nangillunilu:

- Norgemi tunisassiorfiit marluk pikkorissunik sulisoqarput siunissamilu tunisassiuinnarnissaat qulakkeerneqarluni, aammali pigisatta sinnerisa siuarsarnissaanut periarfissaliineruvoq. Tassunga atatillugu pingaaruteqarpoq eqqaassallugu, Polar Seafood Norwayimi pisortaq, Trygve Åsvestad, Polar Seafoodimi suliinnassammat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER