Polar Seafood naammagittaalliortarfimmit taperserneqarpoq
Killiffik nutaaq Avatangiisinut naalakkersuisoqarfik nutaamik aalajangiissasoq, AvatangiisitInnarlitsaaliorneqarnissaat pillugit Naammagittaalliuuteqartarfiup aalajangerpaa. Kilisaat taamaalillunikiviffimminiiginnassaaq. Aalajangiussaq naalakkersuisoqarfiup misissoqqissaaleruttorpaa.
Polar Seafoodip kilisaataataa Aassik Qeqertarsuup Tunuani kiveqqasoq pillugu suliaq sapaatip akunnerani kingullermi Avatangiisit innarlitsaaliorneqarnissaat pillugit Naammagittaalliortarfiup aalajangiineratigut allamut sangutinneqarpoq, illuatungeriit aallaqqaataanniit aallarteqqittussanngorlugit.
Kilisaat marsimi umiuvoq, tamatumalu kingorna Avatangiisinut Naalakkersuisoqarfik Polar Seafoodimut piumasaqarluni uulia kilisaammiittoq peerneqassasoq. Aalajangiineq tamanna kilisaataatileqatigiit naammagittaalliuutiginiarlugu aalajangiuppaa. Naalakkersuisoqarfiup juulip aappaanni nutaamik aalajangiussilluni oqaatigaa Polar Seafoodip uulia qaqissagaa imaluunniit kilisaat qaqinneqassasoq.
Naalakkersuisoqarfiulli kilisaataatileqatigiit illuatungerisatut tusarniaaffigisimanngilaa. Tamannalu kukkunerusoq Naammagittaalliuteqartarfimmit aalajangiunneqarpoq. Aalajangiineq suliassat suliarineqartarneranni inatsimmi malitassat naapertorlugit aalajangiunneqartussaavoq, ilaatigut tassani allassimalluni suliassami illuatungeriit tusaaniarneqassasut.
Illuatungeriinnillu tusarniaasoqarsimannginnera kukkunertut ima angitigaaq, inassutigineqartoq juulip aappaanneersoq atuuttussangortinneqarsinnaasutut isigineqarsinnaanani, Naammagittaalliuuteqartarfimmit allapput, tamatumalu kingorna suliassaq tamaat Nunalerinermut, Imminut pilersornermut, Nukissiuutinut Avatangiisinullu Naalakkersuisoqarfimmut suliareqqitassanngorlugu utertinneqarluni.
Aalajangiineq Polar Seafoodimit nuannaarutigineqarpoq.
Oqaluttuaq tamaat AG-mi sapaatip akunnerani matumani saqqummersumi atuarsinnaavat, ugguuna iserfigiuk: