Skip to main content

Polar Seafood kilisaat kivinikoq pillugu: Avatangiisinut piumasaqaat ingasaanneqarpoq

Polar Seafoodip kilisaatip kivinikup qaartinnissaa, tamatumalu kingorna uuliap katersorneqarnissaa, isumaliutigisimavaa. Tamannali taamaatiinnarneqarsimavoq. Kilisaatip inuuneq ulorianartorsiortinnagu uuliamik imaarneqarnissaa ajornakusoortoq, ingerlatseqatigiiffik isumaqarpoq.

- Suut ajornanngitsumik pisinnaanerat paasiniarlugu suut tamaasa pilersinneqarput. Nunat tamalaat akornanni immikkut ilisimasalinnik nuimanerpaanik ikiortissarsisimavugut, Polar Seafoodip siulittaasua, Henrik Leth, oqarpoq.

Aviisi AG taama allappoq.

Ingerlatseqatigiiffik aggustip 15-ia nallertinnagu kilisaat kivinikoq Aassik, marsip 17-iani ikuallalernermi kingorna kivisoq, qanoq pissanersoq pillugu pilersaarutinik avatangiisinut oqartussanut tunniussissaaq.

Henrik Leth oqaluttuarpoq, Polar Seafood Qasigiannguit eqqaannut Aassiup kiviffigisimasaanut umiarsuarnik pingasunik aallartitsinissamut 5-10 millioner koruuninik aningaasaliisimasoq. Tamatuma saniatigut ingerlatseqatigiiffik immikkut ilisimasalippassuit, ilaatigut Viking Diver Service, suleqatigalugit, droninik itisuumut aallartitsisimasoq, umiunikumik 3D-nngorlugu assiliortuisimasoq misissuinernillu allanik ingerlataqarsimasoq, Leth oqarpoq.

Polar Seafoodip sillimmasiisarfia, British Marine, inunnik tamaanga aamma aallartitaqarsimavoq.

Umiarsuup qanoq iliuuseqarfiginissaa Polar Seafoodip siullermik itigartitsissutigaa. Henrik Leth oqarsimavoq, kilisaatip uuliamik imaarnissaa ajornarluinnartuusoq, 300 meterinik itissusilimmiimmat.

Nassuiaat tamanna Avatangiisinut Naalakkersuisoqarfiup akueriumanngilaa. Taarsiullugu sukaterisoqarpoq Polar Seafoodimullu suli allamik piumasaqaateqartoqarluni, kingusinnerpaamik oktobarip 31-ani umiarsuup uuliamik imaarneqareersimanissaanik imaluunniit kilisaatip peerneqareersimanissaanik allatulluunniit uuliap 53.000 liiterip ajoqusiisinnaajunnaarneqarnissaanik.

Aviisimi AG-mi atuarnerusinnaavutit. Aviisi uani pissarsiariuk:

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER