Skip to main content

Polar Seafood isumaliutissiisut pillugu: Suna tamaat isigalugu ajunngeqaaq

Pisassiissutinik killiliinissaq aalisarneq pillugu ataatsimiititaliarsuup innersuussutigisaa Polar Seafoodimut annertuumik kinguneqarsinnaavoq. Taamaakkaluartoq siulersuisut siulittaasuata Henrik Lethip isumaliutissiisut silatusaarluni suliarineqarsimasoq isumaqarpoq, taamaakkaluartorli akissutissanik arlalinnik amigaateqarpoq.

Aalisarneq pillugu ataatsimiititaliarsuup isumaliutissiissutaa ippassaq saqqummiunneqartup Polar Seafoodip siulersuisuni siulittaasuata, Henrik Lethip naammagisimaarpaa. Naal isumaliutissiisutip innersuussutaasa arlallit Polar Seafoodip niuerneranut toqqaannartumik eqquinerlussinnaagaluartoq. 

Nunatsinni aalisarnerup pitsaanerpaaffissaminiinissaanut piujuaannartitsillunilu aalisarneq eqqarsaatigalugu inuiaqatigiinut annertunerpaamik pissarsiffiunissaa eqqarsaatigalugu isumaliutissiisut arlalinnik innersuussuteqarpoq. 

- Ataatsimiititaliarsuup innersuussutigisai arfinillit tamanit akerlilersorneqarsinnaanngillat, Henrik Leth oqarpoq. 

Piginneqatigiiffiit siammerterneqarnissaanut innersuusineq

Avataasiorluni raajarniarneq eqqarsaatigalugu piginneqatigiiffiit siammarterneqarnissaat politikkikkut kissaatigineqarpat taava ataatsimiititaliarsuup TAC piginneqatigiiffinni pigineqartut 20 procentimik appartinneqarnissaat innersuussutigaa. Tassungallu tunngatillugu Sulisitsisut pisassiissutigineqartartut 25 procentimik killilerneqarnissaat ikinnerussuteqarlutik kissaatigaat. 

Piginneqatigiiffinnik siammarterineq isumalluutinik erniaqartitsineq eqqarsaatigalugu ajornerulersitsisinnaasoq ataatsimiititaliarsuup erseqqissaatigaa.

Allannguutissatut siunnersuut Polar Seafoodip aamma Royal Greenlandip pisassiissutiminnik tunniussisariaqalernissaanik kinguneqarsinnaavoq. Ataatsimiititaliarsuullu allannguisoqarnissaa eqqarsaatigalugu kikkut aningaasaliisanersut erseqqissaatiginngilaat. 

- Aningaasaliissutigineqartariaqartut annertoorujussuit eqqartorneqarput. Avataasiorluni aalisartut akornanni kikkut taama aningaasaateqartiginissaat takujuminaatippara. Aningaasaliinissamut peqatigiiffinnik pilersitsinissaq utoqqalinersiuteqarnermullu aningaasaateqarfiit aalisarnermi aningaasaliinissaat aqqutissaavoq, kisianni naammanngilluinnarpoq, siulersuisuni siulittaasoq oqarpoq. 

Siunissaq ungasinnerusoq eqqarsaatigalugu pilersaarut

Pensionskassit aningaasaateqarteqarfiillu piginneqatigiiffinnut aningaasaleeqataasinnaanngornissaat ataatsimiititaliarsuarmiit aamma innersuussutigineqarpoq, taamaasiornikkut nunatsinni aalisarnerup amerlanerusuniit piginneqatiaaffigineqalersinnaanera siammarterneqarsinnaasoq qulakkeerneqarsinnaamat. 

Siunissaq ungasinnerusoq eqqarsaatigalugu aatsaat ukiut 15-20-illuunniit qaangiuppata tamanna piviusunngorsinnaasoq, ataatsimiititaliarsuup siulittaasuata, Jens Paulsenip sisamanngormat saqqummiussinermini erseqqissaatigaa. 

- Raajarniarnermi aalisarnermi atuisussaatitaaneq ukiut tamaasa nalunaarutigineqartassaaq, atuisinnaatitaanerlu ukiuni qulini atuutassalluni. Atugassarititat ajorsineranni aalisartut piginneqatigiiffiillu pitsanngorsaanissamut taamaasiornikkut periarfissiisoqarsinnaasaaq, isumaliutissiisummi taama allassimavoq. 

Atuutitsilernissamut aningaasaliinissamut periarfissaqarluartoq, aalisarneq pillugu ataatsimiititaliarsuaq isumaqarpoq. 

Innersuussutip aappaa Polar Seafoodimut kalluaasussaq tassaavoq ukiumut pisassiissutinik attartortitsisarnerit killilersorneqalernissaa. Tamanna isumaqarpoq piginneqatigiiffik ukiumut pisassiissutinik attartortitsisarnermini taamaallaat 8 procentinik tunisaqarsinnaalernera. 

- Aalisagartassiissutit tamakkerlugit aalisarniarlugit aningaasaleeqittariaqassaagut. Taamaasiorsinnaavugulli. Kisianni aamma illuatungeqarpoq, piginneqatigiiffiit allat aalisagartassiissutigut aalisarsinnaajunnaarunikku annertuumik eqqorneqassapput, Henrik Leth oqarpoq. 

Ataatsimiititaliarsuup tunngaviusumik apuussassai:

  1. Siunissami sulifissaqartitsinissaq, isertitaqaatissat atugarissaarnerlu pitsaasumik sunniute­qarfiginissaa pillugu pisuussutit nungutsaaliorneqartariaqarput
  2. Aalisarnermik inuussutissarsiuteqarneq ineriartorsitseqqinnermi aningaasaliinerit eqqarsaatigalugit aalajangersimasunik siumullu naatsorsuutigineqarsinnaasunik sinaakku­serneqarli aamma aalisarneq pillugu politikkimi anguniakkanut pingaarnernut tunngatillugu tapiissutaasinnaasut sumut atorneqarnissaat
  3. Aalisarnermik aqutsineq imatut aaqqissuunneqarli, aalisartut ataasiakkaat isertitaqarluar­sin naalersillugit aalisarnermilu pissuussutinit iluanaarutit tamarmiusut annertusineqarsin­naalersillugit, taamaalilluni tamanna tunngavigalugu pisuussutinit iluanaarutit naleq qut­tu mik akileraartitsinikkut pisuussutinit iluanaarutit naleqquttumik agguaanneqarsinnaa­niassammata
  4. Aqutsinermi ersarissumik suleriaaseqarneq assigiimmillu pinninnissaq qulakkeerniarlugit politikkikkut akuliutinnginnissamik tunngavik ingerlanneqarli
  5. Aalisariutaatileqatigiiffinnut tunngatillugu aalisarsinnaassuseq annertusinagu piginnittuu­neq pisuussutinit iluanaarutinit atuinermut annertusineqarli
  6. Suliffissaqartitsineq ilinniartitaanerlu pillugit politikkimi suliniut inuit atugaasigut imminut nappassinnaasumik ikaarsaariarnissaq qulakkeerniarlugu aalisarneq pillugu politikkimi al­lannguutinut atatillugit ingerlanneqarlik.
OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER