Polar Seafood Henrik Fleisherimut akikinaarisimava
Siumut sinnerlugu pissaaneqaqaluni aalisarnermut politikerip aammalu aalisartitseqatigiiffissuup namminersortup akornanni saqitsaanneq annertooq ingerlanneqarpoq. Tamanna allakkap aatsaavik tamanut takussutissiarineqarsinnaalersup ersersippaa.
Ilisimasaqarpit aalisarnermik inuussutissarsiuteqartut 1990-ikkut 2000-kullu aallartinneranni raajartassaminnik tunisinerminni akikinaarisoqarsimaneranik immaqalu allaat ajattorneqarlutik annaasaqarsimanerartut pillugit oqallisiginninneq tusaamanerlutsitsinerlu ilinnut apuunnikuua?
Taakku akilernerlunneqarsimasutut misigisimasut arlaat ataaseq tassaavoq 2000-ikkut aallartisimalerneranni akilernerlunneqarsimasutut oqallisigineqartoq tassaavoq Siumut sinnerlugu politikeri nuimasutut inissisimasoq Henrik Fleischer. Taassuma aammalu illuatungaani nunatsinni nammi- nersorlutik aalisarnermik ingerlatseqatigiiffiit annersaata Polar Seafoodip akornanni sakkortuumik saqitsaattoqarpoq, Sermitsiaq allappoq.
Akikinaarineq
Tusatsiartakkat malillugit Henrik Fleischer allallu arlalinnut maalaaruteqartarput Polar Seafood-imit raajartassaminik tunisinermini akikinaarunneqarsimasoq, tamannalu ilaatigut pisimasoq raajarniummik Imartuneq ApS-imik piginneqataassutsiminik tunisineranut atatillugu. Tamaviaarluni raajartassani tuneriikkani utertinniarsarivai, tusatsiakkat imaaginnavissut ilaat nipeqarpoq. Ilaatigullu aamma oqaatigineqartarluni politikkimut isersimasoq ataasiinnavimmik siunertaqarluni, tassalu raajartassaateqaqqilernissani qulakkeerniarlugu.
Oqaatsit tamakku oqaluttuannguussimasut tassaapput aalisartut annikinnerusumik ingerlataqartut ukiut qulikkaat arlalissuit matuma siorna kattutsitsisoqarnerani susoqarsimanersoq aallaavigalugu ingerlanneqartut, taamanikkut aalisartut raajarniarnermik ingerlataqartut minnerusut piginneqataassutsiminnik ingerlatseqatigiiffinnut allanut anginerusunullu tunisipput, taakkuku kingusinnerusukkut angisoorsuanngorlutillu nukittoorsuanngornikuupput aningaasanik kaaviiaartitaqarluartut, aalisarnermik ingerlatsinermikkut, pingaartumik raajarniarnermikkut angusaminnik.
Allaaserineqartoq aviisimi Sermitsiami tamakkiisumik atuaruk. Aviisi uani pisiarineqarsinnaavoq: