Skip to main content

Pølsevognip angalatuup Ittoqqortoormiit ikiorpaa

Pølsevogni nunarsuarmi angalatunerpaaq sapaatip akunnerata ingerlanerani Ittoqqortoormiini timersortarfeeqqami hotdogs-inik akeqanngitsunik tunioraavoq

´Nunarsuarmi pølsevogni angalatunerpaaq´, taagorneqartoq Pølle, peqatigalugu Fanny ´Pølsewoman´ Posselt piumassutsiminillu ikiuuttoq Søren Dahl sapaatip akunnerani uani Ittoqqortoormiini pølsinik agguaapput nuannaartitsillutik.
Timersortarfeeqqami marloriarluni hotdogs-inik akeqanngitsunik agguaasoqarpoq, qitiutillugit ataatsimoorneq, nuannisarneq, nuannaarneq uangalu. Siullermik illoqarfimmiut qaaqquneqarput qanoq illuni illoqarfimmi meqqat inuusuttullu sammillugit isumaginninnikkut allannguinisoqarsinnaaneranik sinnattuinik oqaluttuaqqullugit. Tamatuma saniatigut meeqqat inersimasullu ´pølseagent´-itut allatsissinnaapput - tassa imatut paasillugu, piumassutsiminnik sulillutik sinnattunik piviusunngortitsiniartussat. Allannguinissamut ambassadøritut.
Sapaatip akunnerata ingerlanerani Fanny-p Sørenillu meeqqerivimmiut angajulliit, atuarfimmi 6., 7. 8. klassimilu atuartut, 5-iniit 12-inut ukiulinnut ornittagaq, 13-iniit 18-inut ukiulinnut fritidshjemmi kiisalu ilisimasortatut ilinniarfimmi atuartut 18-iniit 23-nut ukiullit, pulaarpaat. Siunertaasimavoq isumaginninnikkut allannguutissatut sinnattuisa katersornissaat pølseagentillu nutaat peqatigalugit workshop-ertitsilluni - tamakkununngalu ilaapput illoqarfimmi politikerit marlussuit. Sinnattukkatut pingaarnerutinneqarput filmertarfik, sisorartartut klubbiat, asiarnerit takornariaqarnerlu, Fanny Posselt oqaluttuarpoq.

Sisorartartut klubbiat ukioq manna pilersinneqassaaq
– Sammisaqarfinni sisamani tamani gruppit akisussaassusillit suliniutit allaaseraat, iliuuseqarnissamut pilersaarusiorlutik missingersuusiorlutillu. Meeqqat inuusuttullu sinnasup piviusunngortinniarnerani aqqutaa tamaat peqataatinneqartassapput.  Filmertarfik akeqassanngilaq, tamarmik peqataasinnaaqqullugit. Popcorn-init sodavandinillu isertitat timersoqatigiit peqatigiiffiannut ´Ukaliatsiaq 93´-imut nakkartinneqartassapput. Sisortartartut klubbiat naatsorsuutigineqarpoq decembarimi pilersinneqassasoq.
– 10-niit 17-inut ukiullit ukiumut ikinnerpaamik pingasoriarlutik asimukartinneqartassapput. Kangerlummukarsinnaapput eqalunniarlutik. Aamma kangerliumanermut pisuttuarsinnaapput tassunga arsaakkiarlutik grill-eriartorlutillu, imaluunniit nuniattarsinnaapput, Fanny Posselt nassuiaavoq.

Ornittagaq fritidsklubbilu ikiorneqarput
Ittoqqortoormiini takornariaqarneq 2012-miilli appariarujussuarsimavoq - ilaatigut timmisartuussiviit allanngornerat pissutigalugu - illoqarfillu takornariarfissatut pilerinartutut nittarsaanneqarnissaminik atorfissaqartitsivoq. Takornariat suliffinnik pilersitsisarput, ilaatigut piniartut inuusuttut ilisimasortaralugit.
Sinnattorineqarpoq aasaru Københavnimit Ittoqqortoormiinut Søren Dahlip angallataanik angalanissaq, piniartut ilisimasortalluunniit inuusuttut marluk peqataaffigisaannik. Taamaasilluni illoqarfik periarfissaalu nalissaqanngitsut nittarsaanniarlugit.
Naammaginarluartutullu piumassusillit marluk nalunaarsimapput ornittakkap tallimanngornerit allortarlugit 18-miit 21-mut sivisunerusumik ammasarnissaanik ikiuukkusuttut, piffissami misileraaffimmi qaammatini marlunni. Meeqqat pisortallu sinnattorisarujussuaraat ornittakkap ulluinnarni aamma 18-miit 21-mut ammasarnissaa.
2013-imi aningaasat Pølle-p katersai ornittakkamut fritidsklubbimullu agguaanneqassapput pisariaqartitat malillugit.
Naggataarutaasumillu pølsilerisut naliliipput alloriarnissarlu tulleq sioqqullugu nukittussutsit, nukilaassutsit, periarfissat ulorianartullu allattorlugit.

Kommuneqarfik Sermersooq nersualaarivoq
Illoqarfimmi pølseagentit misigisimapput sinnattut piviusunngortinnissaannut nukittuallallutik, kissaatigaalu ukiut tamaasa taamatut pisoqartassasoq, illoqarfimmik pitsaanerusumik pilersitsiniarluni innuttaasut akulerutsittuartarumallugit.
– Siullermeersumik meeqqat taamatut akulerutsinneqarput, kajungilersinneqarpugullu ukiuni aggersuni taamaasiortarnissatsinnut, Charlotte Pike, Kommuneqarfik Sermersuumi sunngiffimmi pisortaq piumassutsiminillu pølseagenti, oqarpoq.
Tunumi illoqarfimmiut Fanny ´Pølsewoman´ Posselt-illu neriuutigaat aasaru Ittoqqortoormiini naapeqqikkumaarlutik. Pølsevøgni maanna umiarsuarmik siullermik Danmarkiliaanneqassaaq. Suliniutit nutaat malitseqartinniarlugit aammalu innuttaasut tamaasa akeqanngitsumik hotdogs-itortinniarlugit, ataatsimooqatigiinniarluni, nuannisaqatigiinniarluni nuannaarniarlunilu.
 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER