kommunimut qineqqusaarneq
PN qineqqusaatitaa: Isorliunerusut immikkut isigineqarnerat unitsilli
Kommuneqarfik Sermersuumi Inughuit aamma Kangiamiut (Tunu) oqaasii, sumiorpaluutaat aamma kulturiat meeqqat atuarfiini ilitsoqqussaralugu atuartitsisutigineqartarnissaat anguneqartariaqartoq, Marius Didriksen (PN) isumaqarpoq.
Uagut Kalaallit Nunatta kitaani inunngorsimasuusugut oqaatsivut, sumiorpaluutigut kulturerput ersarinnerutinniartarpagut, Inughuit aamma Kangiamiut (Tunu) kalaaleqatitta oqaasii, sumiorpaluutaat aamma kulturiat toqqortorniartutullusooq pissusilersorfigalugu, tamanna tamaannga killeqartariaqarpoq.
Kommuneqarfik Sermersuumi Partii Naleqqap kommunalbestyrelsemut qinigassanngortitaa Marius Didriksen oqarpoq.
Inuiaqatigiinnut iluaqutaassasoq
Taamaammat Partii Naleraq tunuliaqutaralugu qinigassanngortippoq Kommuneqarfik Sermersuumi Inughuit aamma Kangiamiut (Tunu) oqaasii, sumiorpaluutaat aamma kulturiat meeqqat atuarfiini ilitsoqqussaralugu atuartitsisutigineqartarnissaanik isuma pilersissallugu.
- Tamannalu tunngavigalugu Partii Naleraqqaminngaanniik partiit allat inussiarnersumik assatsinnik isaassiffigaavut, neriuuteqarluta suliap aallartinneqarsinnaaneranik ataatsimoorluta naammassisaqarsinnaalluarluta suliumaarluta, Marius Didriksen erseqqissaavoq.
Tamannalu Marius Didriksenip qularutiginngilaa inuiaqatigiinnut iluaqutaanissaa.
- Ikioqatigeeriarta, ikioqatigiikkuttami inuiaqatigiinnut iluaqutaasumik kinguneqarumaarpoq. Neriuutigaara ikioqatigiinnikkut tamanna angujumaarlutigut, Marius Didriksen oqarpoq.