Skip to main content

PK nalunaaruteqartoqarnera pillugu: Qaangiuttoornermut taasiullugu sulinngiffeqartarneq qanoq iliuuseqarfisiginnaanngilarput

PK-mi siulersuisut peqqissaasut sulinermi atugaat pillugit isumaqatiginninniartuusut, tiimit pigaartuuffigisimasat qaangiuttoornermut taarsiullugit siunissami sulinngiffeqaataasarnissaannut tunngassuteqartut pitsaanerusumik angusaqargineqarsinnaanerannikk oqalunneq itigartitsissutigaat

Pilattaanermi peqqissaasup Ninna Thorngaardip isumaqatigiissut nutaaq, tusarniaassutigalugu nassiunneqaqqammersoq naapertorlugu sapaatip akunneranut nalunaaquttap akunnerini 40-ni sulisarnerup saniatigut spaatip akunneranut nalunaaquttap akunneri 16-ini suliffinngeqarsinnaaneranik atorunnaarsitsisoq naammaginngilluinarpaa.

Ninna Thorngaardip tiimit pigaartuuffigisimasani sulinngiffeqaatigerusunnerungaluarpai, taamaalilluni ilaqqutani peqatiginerusinnaangamigit.

PK-mi siulersuisut siulittaasuata tulliata Tobias Gredalip siulersuisut sinnerlugit Sermitsiaq.AG-mut ilisimatitsissutigaa – ”isumaqatigiissummi nutaami tiimit pigaartuuffiusartut pillugit PK allannguinissamik kissaateqarsimanngitsoq”.

Erseqqissumk piumasaqaataasoq

Sammisamut pineqartumut sulisitsisoq imatut oqarsimavoq.

- Ullumikkut PK-mut isumaqatigiissut malillugu, tiimit pigaartuuffigisimasat aningaasarsissutaasinnaapput imaluunniit qaangiuttoornermut taarsiullugu sulinngiffeqataasinnaapput. Sulisoq sulinngiffeqarnissamik ullumikkut kissaateqaruni aqutsisunut isumaqatigiissuteqassaaq, Tobias Gredal nassuiaavoq, itisiliillunilu oqarluni:

- Ajornartorsiutip qitia tassaanippoq, tassa sulisut tiimit pigaartuuffigisimasaat aqutsisut aningaasanngorlugit imaluunniit sulinngiffeqaatinngorlugit tunniussinissaannut pisinnaatitaaffik tassaniikkami.

Tamanut ilisimatitsinissaq

- Isumaqatiginninniarnerit imatut paasivavut, tassa sulisitsisut piumasaqaataannut naaggaarsimasuugutta, taava Peqqinnissaqarfimmi aqutsisut peqqinnissaqarfimmi pisortanut tamanut ilisimatitsissutigissagaat tiimit pigaartuuffigisimasat aningaasanngorlugit tamarmik tunniunneqartassasut, Tobias Gredal ilismatitsivoq, nangillunilu:

- Nalunnginnatsigu qanorluunniit oqalukkaluarutta, sulisitsisut sukkulluunniit taamatut allannguisinnaasut, aalajangersimavugut sulisitsisut piumasaqaataat isumaqatigiissummut ilanngunniarlugu, taamaalillutami isumaqatigiissutissatut piumasarput angussagatsigu.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER