Pizzeriami sulisoq tunillatsissimasoq
Nuummi pizzeriami sulisoq inuusuttoq coronamik tunillatsissimavoq. Tamanna suliffeqarfiup Facebookimi quppernermini allaaseraat. Sulisoq igaffimmi sulisuuvoq ulluinnarnilu pisiniarnik attaveqartarnani.
Sulisoq tunillatsereersorlu pizzeria Iggu arfininngornermi juunip 17-ani matuvoq. Sulisut tamarmik angerlartinneqarput, sulisullu tamarmik misissortereerpata aatsaat neriniartarfik ammaqqissasoq paasissutissiissutigaat.
- Sulisorput inuusuttoq coronamik tunillatsissimasoq paasineqarmat ajoraluartumik matusariaqarpugut. Maleruaqqusat soorunami malippagut taamaamallu sulisugut tamarmik angerlartinneqarput mattusimagallartussanngorlutillu, Iggu Facebookimini allappoq.
Nuummi marluk tunillatsissimasut Qaqortumilu ataaseq tunillatsittoq tallimanngornerup unnukkuani paasineqarmatali suli kisitsisit oqartussaniit nutarterneqanngillat.
Ikinnerpaamik ataaseq arfininngornermi misissortittunit tunillatsissimasoq oqartussat uppernarsarpaat. Maannalu kisitsisit nutarterneqarnissaanut oqartussat sulileruttorput. Tunillatsissimasut kisitsisai uani takukkit.
Myndighederne bekræfter, at der er mindst en mere smittet efter test lørdag. De arbejder på at få det endelige tal opdateret. Se smittetallene her.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...