Piviusulersaarutip kingorna: Imminut toqunnissamik eqqarsarsimasut qassiuvugut?
Henrik Thomsen meeraalluni kinguaassiutimigut atornerlugaanikuuvoq. Tasiilami meeqqat atornerlugaasarnerat pillugu piviusulersaarut eqqaamasanik annernartunik qaffakaatitseqqippoq.
Piviusulersaarut ’Byen hvor børn forsvinder’ isiginnaarsimasut amerlanerpaat qularnanngitsumik attorpai.
Kisianni aamma amerlasuunut sakkortuumik misigititsivoq: Tassa kinguaassiutitigut atornerluinerup kinguneruutaanik filmimi oqaluttuarineqartunut nalunnginnilluinnartunut.
Taakku ilagaat Henrik Thomsen, ukiut arlaqanngitsut matuma siorna saqqummerluni atornerlugaasarsimanini oqaluttuariniarlugit aalajangersimasoq.
- Angerlarsimaffinni kisimiillunga aallakaatitaq 'Byen hvor børn forsvinder' isiginnaarpara.. Artornarpoq.. Eqqortippunga.. Amerlasuut taamaakkunaarput.., Henrik Thomsen Facebookimi allappoq, taassumalu issuarneqarnissani akuersaarpaa.
- Ajunngikkaluarpunga, kisianni tassanngaannaq ajorteriasaarpunga.. Misigissuseq sivisuumik misigisimanngisara tassanngaannaq takkuteriasaarpoq.. Oqaatigineqartut.. Arlalissuit ilisarnarput.. Aqqusaakkatik pillugit qanoq misigisimanerminnik oqaluttuarneranni malugisinnaangajappakka.. .. Ajoq.. Annernaq..
- Imminut toqunnissamik eqqarsarsimanngitsut qassiunngilagut, imaluunniit imminut toqussimasumik ilisarisimasaqartut? Henrik Thomsen nangilluni allappoq.
Henrik Thomsen nammineerluni 18-it missaanni ukioqarluni imminut toqunnisamik eqqarsarsimavoq.
- Anna-Sofiep aallakaatitassiami oqarneratut, sinilerusunnikuuvunga iteqqinngisaannarusullunga.
- Inuuginnarnissara toqqarpara.. Ulloq mannalu tikillugu peqqissimissutiginngilluinnarpara.. Taamanikkornit NUKITTUNERUJUSSUUVUNGA, ullumikkullu ajornartorsiutip taamatut akiorniarnissaa takorloorsimanngisaannarpara..
- Neriukkaluarpunga meeqqat inuusuttullu ikiortissarsiorlutik nilliasutut ittut ikiorneqassasut, taamaalillutik ullut ilaanni atukkat pitsaanerulissasut paasiniassagamikkit..