Skip to main content

Piumassuseqarluartoq Tasiilami najortinngulerpoq

Naasunnguaq Ignatiussen Streymoy DR-ip piviusulersaarutaani "Byen hvor børn forsvinder"-imi Tasiilami ajornartorsiutit pillugit oqaluttuartoq, illoqarfimmi meeqqat pillugit kommunimi suliani najortitut suliaqalissalluni aalajangerpoq.

Peqatigiiffik Kalaallit Meerartaat Tasiilami najortissarsiortoq, tassa meeqqat pillugit kommunimi suliani meeqqanut illersuisussarsiortoq, paasigamiuk, Naasunnguaq Ignatiussen Streymoy aalajangernissaminut ajornartorsiuteqarsimanngilaq.

- Najortinngorusuppunga meeqqat tusaaneqartariaqarmata, Naasunnguaq Ignatiussen Streymoyip aalajangernera pillugu Sermitsiaq.AG paasiniaammat ingerlaannarluni taama akivoq.

Naasunnguaq Ignatiussen Streymoy DR-p piviusulersaarutaani “Byen for børn forsvinder”-imi oqaluttuartuuvoq, Tasiilami meeqqanut kinguaassiutitigut kannguttaatsuliortoqartarnera imminullu toquttarnerup ajornartorsiutaanera pillugit oqaluttuarluni.

Suliat uninngaannartut ingerlatilerneqassapput

Piviusulersaarummi ilinniartitsisoq aamma oqaluttuarpoq suliassanngortitat kommunimit qisuariarfigineqarneq ajortut.

Naasunnguaq Ignatiussen Streymoyip neriuutigaa Tasiilami meeqqat pillugit suliassat kommunimi uninngasuutigineqartut, najortiunermini aallartinneqarsinnaalersissallugit.

- Najortinngorniarpunga suliani meeqqat tusaaneqartariaqarmata. Uangalu kommunimut aamma kimigiisernerusinnaagama suliat ingerlanneqarnissaat anguniarlugu, aaqqissuussaanermi maani suliat puiguinnarneqannginniassammata, oqarpoq.

Naasunnguup Majoriami atuarnini maanna naammassingajalerpaa. Ukiamut GUX-imi atualissaaq, kingornalu psykologimi inunnilluunniit isumaginninnerup iluani ilinniagaqalissalluni aalajangiusimavoq. Illoqarfimini meeqqat atugaasa pitsanngorsarneqarnissaannut suleqataanissani suli aalajangiusimavaa.

- Suliaq tamanna pingaartippara. Meeqqat soqutigisaat pitsanngortinniarlugit aamma ilinniagaqassallunga aalajangereerpunga. Tamakku suliarerusuppakka, nassuiaavoq.

Peqatigiiffik Kalaallit Meerartaat ilisimatitsivoq Tasiilami innuttaasunik ippassaq ataatsimiisitsisoqareersorlu marluk najortinngorumallutik nalunaarsimasimasut. Tamanna isumaqarpoq najortinngortussat sisamat sinniisullu marluk sapaatip akunnerani uani pikkorissarneqassasut.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER