Piumasaqaat: Kujataani qulimiguulimmik ilasisoqartariaqartoq

Kujataani sikorsuaqarnera pissutigalugu Disko Linep ilaasunik angallassisiniarnini ajornartorsiutigaa. Qulimiguullit ilaneqarnissaat Anders Olsenimit Naalakkersuisunut piumasaqaateqarpoq

Kalaallit Nunaata kujataani angallanniarneq ajalasooqqasoq Inatsisartuni ilaasortaq Anders Olsen oqariartuuteqarpoq. Taamaattumik qulimiguullit ilaneqarnissaat Naalakkersuisunut piumasaqaatigaa, tassani ukioq mannamut aningaasanut inatsimmi immikkut 8 mio. koruuninik aningaasaliisuteqarsimaneq angallannermut pitsanngorsaatissatut atugassat suli atuiffigineqarsimanngitsut tassunga atorneqassasut siunnersuutigalugu.

- Pingaarluinnarpoq massakkoqqissaaq kujataani angallannikkut atugassarititaasut pitsaanngilluinnartut aaqqiivigineqarnissaat, taamaammallu Naalakkersuisut piaartumik kiffartuussinerup ajornartorsiuterpassuarnik pilersitsiffiusartup pitsaanerungaartumut aaqqiissuteqarfigissallugu suligasuartariaqarput, Anders Olsen tusagassiutinut nalunaarummi allappoq.

Qulimiguullit ilaneqarnissaat

- Ukiap ingerlanerani apeqquteqaateqarninni Angallannermut Naalakkersuisoq ajornartorsiutit qaangerniarnissaannut suleqatigiissitamik suligasuartussamik pilersitsisimalluni ilisimatissuteqarpoq, taamaammallu suleqatigiissitap maannamut suliaanik qanoq paasissutissiissuteqarsinnaanersoq assut paaserusunnarpoq.

- Imarluk immallu sikuniarnera nalaaneqartussaasut ilisimareerparput, taamaammallu qulimiguulimmik ilaseqqissinnaaneq Naalakkersuisut qulakkeertariaqaraat isumaqarpunga, Anders Olsen piumasaqaateqarpoq.

Disko Linep angallassiniarnermut ajornartorsiuteqarnera pisortap Noëlle Simoudip nalunaarutigaa sapaatip akunnerani matumani.

Powered by Labrador CMS