Pituffik

Pituffimmit ilisimatitsissutaasartut unitsikkaat

Suliassaq Pituffimmut tunngasoq pissutigalugu USA tatiniarlugu Joint Committeemi aamma Permanent Committeemi 2014-imiilli sulineq isertuullugu unitsinneqarsimavoq. Maannakkut Naalakkersuisut aamma nunanut allanut ministeriaqarfimmiut peqqissimipput.

Pituffimmi sakkutooqarfimmik sullissinissamik isumaqatigiissut pillugu Amerikamiut isumaqatiginninniaqatigiumallugit kalaallit danskillu Amerikamiut sakkutooqarfimmi sulerisarnersut pillugit ukiumoortumik marloriaruni ilisimatitsisarnerit unitsissimavaat

Aasaq manna USA-p Pituffimmi radari 250.000 koruunit nalingannut nutarterneqarsimasoq paasineqarmat Inatsisartut ajuallapput aamma tamatuma Nunanut allanut pissutsit pillugit naalakkersuisoq, Suka K. Frederiksen, Danmarkimi nunanut allanut ministeriaqarfimmut taama amerlatigisunik aperitippaa.

Oqaloqatigiinnerit unitsinneqartut
Maannakkulli kalaallit danskinik siunersiorneqarlutik sakkutooqarfimmi qanoq pisoqarnera ilisimaniarnagu namminneq toqqarsimavaat. Permanent Committeemik taaneqartartumi sulineq ukiuni kingullerni pingasuni Naalagaaffeqatigiit sulissutiginninnerisigut matoqqasimavoq.

Komiteemi danskit, kalaallit Amerikamiullu ukiumoortumik ataatsimiittarnissaannik isumaginnittoqartarpoq, ataatsimiinnermilu USA-p sakkutooqarnikkut Kalaallit Nunaanni suliaanni killiffiliisoqarpoq, taannalu 1991-miilli Pituffimmiinnarmut tunngalersimavoq. Tassani aamma illersornissamik isumaqatigiissummut tunngatillugu USA pisussaaffeqartoq aamma nalunaarutigineqarpoq.

- Pituffimmi sakkutooqarfimmi immikkuualuttunik sullissinissamik isumaqatigiissummik isumaqatiginninniartoqartillugu 2015-imi Permanent Commiteep aggersarneqannginnissaa danskinit kalaallinillu aalajangerneqarpoq (sullissinissamik isumaqatigiissut Amerikamiumit Exelisimit Greenland Contractorsimut ajugaasumut tunniunneqarpoq, aaqqiss.). Tamatumunnga pingaarnernik paasiuminartunillu pissuteqarsimavoq, Namminiilivinnissamut, Nunanut allanut tunngasunut Nunalerinermullu Naalakkersuisoqarfimmi pisortamit, Jacob Isbosethsenimit, uppernarsarneqarpoq.

Radaip pitsaanerulersinneqarnera
Ilaatigut Permanent Committeemi ataatsimiinnerni Pituffimmi radarip nutarterneqarnera USA-mit Nalaakkersuisunut ilisimatitsissutigisimasinnaagaluarpaat soorluttaaq Amerikamiut Schuyler Line Navigationimut, Amerikamiumut, sullissinissamik isumaqatigiissut tunniunneqartoq, Royal Arctic Linemut sullissinissamik isumaqatigiissut 60 millioner koruuninik naleqartup unitsinneqarneranut tunngavilersuutinik Amerikamiut kalaallinut ilisimatitsissutigisimasinnaagaluaraat.

Allaaserisaq tamaat aviisimi AG-mi atuaruk, taanna uani ataani linki atorlugu akiliilluni atuarneqarsinnaavoq:

Powered by Labrador CMS