Pituffik
Pituffimmi sakkutooqarfimmi soraarsitsiortornersuaq
Greenland Contractorsimi sulisut 44-t soraarsitaasussanngorput
Sulisut sakkutuujunngitsut 44-t, pingaartumik sanasut eqqiaasullu, Pituffimmi sakkutooqarfimmi oktobarip aallaqqaataani soraarsinneqartussanngorput.
Greenland Contractors sakkutooqarfiup ingerlanneqarnissaa pillugu Amerikami sakkutuunut timmisartortartunut kiffartuussinissamik isumaqatigiissutaateqartoq tamatuma akerlianik sulisunik nutaanik aamma atorfinitsitsissaaq, ilaatigut qatserisartoqarnikkut annaassiniarnikkullu upalungaarsimanermi sulisunik nutaanik qulingiluanik, mekanikerinillu pingasunik.
- Tamanna soorunami nuanniippoq, suleqatillu akornanni nikallungasoqarpoq, BAT-kartelimi isumaqatigiissut naapertorlugu sulisut 275-it missaanniittut sinniisaat Thomas Eisenhardt erseqqissaavoq.
Inuit 44-t taakkua Greenland Contractorsimi, isumaqatigiissut naapertorlugit sulisorineqartut saniatigut aamma inuttut ataasiakkaatut isumaqatigiissutit naapertorlugit atorfinitsinneqarsimasunik aamma sulisoqartumi, sulisorineqartut tamarmiusut 8 aamma 10 procentiisa akornanniipput.
Soraarsitsiortornernut nutaanillu atorfinitsitsiortornermut tunuliaqutaasut Sermitsiami normu 31-mi pillugit annertunerusumik atuarit. Aviisimi suliffeqarfiit arlallit kiffartuussinissamut isumaqatigiissut pillugu saqitsaannerata Kalaallit Nunaannut kingunerisai aamma atuarsinnaavatit.
Aamma atuaruk:Amerikamiut aalajangiinerat Greenland Contractorsimit ingerlateqqinneqartoq