Skip to main content

Pituffimmi kiffartuussinissamut isumaqatigiissutip annaareernerata kingorna Qujaukitsoq USA-liarpoq

Nunanut allanut tunngasunut Naalakkersuisoq Siumumit Vittus Qujaukitsoq Washington D.C-miippoq

Pituffimmi kiffartuussinissamut isumaqatigiissutip annaareernerata kingorna aaqqiissutaasinnaasunik ujaartuiniarluni nunanut allanut tunngasunut naalakkersuisoq Siumumit Vittus Qujaukitsoq Washington D.C-miippoq. Tassani USA-mi illersornissamut naalakkersuisoqarfianit kiisalu nunanut allanut ministeriaqarfimmiut ataatsimeeqatigissavai. 

Naalakkersuisut siulittaasuta Kim Kielsen, Siumut, Sermitsiaq.AG-mut ilisimatitsivoq. 

Inatsisartuni ilaasortap Sara Olsvigip paragraf 37 naapertorlugu apeqquteqaataani Vittus Qujaukitup akissuteqaammini uppernarsarpaa Namminersorlutik Oqartussat iliuuserisaannik arlaannaanulluunniit attuumassuteqanngittumik qulaajaanermik suliaqarnissaq pillugu eqqartuussissuserisoq avataaneersoq Naalakkersuisut qinnuigigaat.  

Sara Olsvigip apeqqutigaa  siunissami assingisaanik pisoqamissaa pinngitsoorumallugu, Pituffimmi sakkutooqarfimmi aserfallatsaaliinermut sullissinissamik isumaqatigiissutip tunniunneqarnerani suliap ingerlanerata qulaajameqarnissaa pingaartuunersoq.

Amerikamiut suliarinnittussarsiussinermi naammagittaalliortarfiata, Government Accountability Officep, februaarip 19-ani aalajangereerneratigut Exelis Servicesip Pituffimmi kiffartuussinissamut isumaqatigiissut septembarip 30-aniit ukiut tulliuttut arfineq marluk ilanngullugit nangittussanngorpaa. 

Isumaqatigiissut katillugit 2,4 milliarder koruuninik naleqartoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER