Pituffimmi kiffartuussinissamut isumaqatigiissut Air Greenlandimit iluatsinneqartoq
Pituffimmut timmisartuussisarnissaq Air Greenlandimit ingerlanneqartussanngorpoq. Tamanna Hans Peter Hansenip Air Greenland Cargomi pisortaasup uppernarsarlugu Sermitsiaq.AG-mut oqaatigaa
Annonse
Suliffeqarfik Pituffimmi isumaqatigiissummut ukioq manna maajip 4-anni kiffartuussinissamut neqeroorpoq, tamatumalu kingorna apeqqutialunnik akissuteqarsimalluni. Ippassaq unnukkut suliaq iluatsippoq, tassalu ukiuni tallimani tulliuttuni ingerlatsinissaq qulakkeerneqarluni. Airbusimik Københavnimit Pituffimmut ukiumut 12-14-riarluni timmisartuussisoqartassaaq aammalu Dash-8-mik Kangerlussuarmit Pituffimmut 25-26-riarluni timmisartuussisoqartassasoq isumaqatigiissutigineqartoq oqaatigineqarluni.
Amerikamiullu sakkutuuisa "America First" qinersimanngilaat, Air Greenlandilli ukiuni kingullerni 15-ini timmisartuussisarnerata attatiinnarnissaa qinersimallugu. Sakkutooqarfimmut timmisartuussisarneq siornatigut SAS-imit ingerlanneqarsimavoq.