Pituffik

Pituffimmi isumaqatigiissutip Folketingimi matoqqasumik isumasioqatigiinnissap ima pissuteqarpoq

Nuna alla Folketingimi eqqartorneqartillugu isumasiuinerit matoqqasuusartut Nunanut allanut ministereqarfimmit nalunaarutigineqarpoq

Statsministeri Helle Thorning-Schmidt

Folketingimi kiffartuussinissamut isumaqatigiissutip Folketingimi isumasioqatigiisitsinissami matoqqasumik pisussaanera pillugu Kalaallit Nunaata ataatsimiititaliaata siulittaasuanut Johan Lund Olsenimut Sermitsiaq.AG-mit apeqqutigineqarpoq.

- USA-mik suleqateqarsimanerup ingerlasimanera isumasioqatigiinnermi eqqartorneqassaaq. Nuna alla eqqartorneqartillugu isumasioqatigiinnerit matoqqasuusarput, Johan Lund Olsen Sermitsiaq.AG-mut allappoq.

Taamaattumik isumasiuisoqalerpat innuttaasut tusagassiortulluunniit marsip 18-ani peqataasinnaanngillat.

Ministeri peqataassanngitsoq
Isumasiuinermi statsministerip Helle Thorning-Schmidtip Socialdemokraatineersup kiisalu nunanut allanut ministeri Martin Lidegaard aggersarneqarput. Statsministerilo peqataassanngitsoq nalunaarfigineqarput.

Nunanut allanut tunngasunut Pituffimmut suliaq attuumassuteqarmat Helle Thorning-Schmidtip tunngavilerpaa.

- Apeqquteqaatigineqartunut nunanut allanut ministeri akisartussaavoq. Ministerit allat sinnerlugit akisartussaanera pissusissamisoortuuvoq, Helle Thorning-Schmidt allappoq.

Powered by Labrador CMS