Skip to main content

Pituffimmi innuttaasunut siunnersuisoqatigiit: Aallatuulli Sullissiveqassaagut

Pituffimmi innuttaasunut siunnersuisoqatigiit siulittaasuaq Kasim S. Virk taasinertaqanngitsumik qinersisoqareersoq siulittaasutut ingerlaqqippoq. Innuttaasunut siunnersuisoqatigiit maanna sulissutiginiarpaat, Pituffimi Sullissivimmik atuutsitsilertoqarnissaa.

Pituffimmi innuttaasunut siunnersuisoqatigiit suliassaqaqaat. Pituffimi innuttaasut tre aamma fire hunnorujut akornanni amerlassuseqartut marlunngormat apriilip arfernani qinerseqqammerput.

Innuttaasunut siunnersuisoqatigiit pingasunik ilaasortaqartussaammata, aamma qinigassanngortittut pingasuinnaammata taasinertaqanngitsumik qinersisoqarpoq, Namminersorlutik Oqartussani nunamut namminermut immikkoortortaqarfimmi pisortaq Klaus Georg Hansen nassuiaavoq.

Innuttaasunut siunnersuisoqatigiinni siulittaasoq Kasim S. Virk ukiuni sisamani tulliuttuni siulittaasutut ingerlaannassaaq. Ukiut arfineq-pingasut kingulliit siulittaasuusimavoq. Taassuma siulittaasup tullia Flemming H. Hansen aamma aningaaserisoq Heidi Andersen peqatigalugit Pituffimmi Sullissiveqalernissaa sulissutiginiarpai, innuttaasut nunaqarfimmit imminnut sullissinnaalerniassammata.

- Sullissiviup nittartagaa immitsinnut sulliniarluta maannakkorpiaq atorsinnaanngilarput. Innuttaasortatta Kalaallit Nunaanni allat assigalugit pisinnaatitaaffeqarnissaat maanngaaniillu Sullissivimmik atuisinnaalernissaat maanna sulissutigissavarput , Kasim S. Virk oqarpoq.

Oqartussanut oqaaseqartartut

Sullissivik Pituffimmi atorneqarsinnaanngimmat, innuttaasunut siunnersuisoqatigiinni ilaasortat pingasut najukkami najugallit Kalaallit Nunaata sinneranut attaveqarniarnerannut ikiuuttarput:

- Innuttaasunut siunnersuisoqatigiit Pituffimmi maani najugallit sinnerlugit oqaaseqartartuupput. Innuttaasut Kalaallit Nunaanni oqartussanut attaveqarniarneranni ikiortarpavut, ilaatigut pisariaqartitsisoqarnerani naalakkersuisoqarfimmut eqqortumut innersuussisarpugut, siulittaasoq Kasim S. Virk oqaluttuarpoq.

Kasim S. Virk 2009-mili innuttaasunut siunnersuisoqatigiinni ilaasortaasimavoq. Ukiut arfineq-pingasut kingulliit siulittaasuusimavoq, maannalu ukiuni sisamani tulliuttuni siulittaasooqqissalluni.
Privatfoto

Innuttaasunut siunnersuisoqatigiit ulluinnarni suliassaasa ilaatigut ilagisarpaat kommunimi susassaqarfinnut saaffiginnittarneq, Pituffimmi innuttaasut piniarnermut allagartamik, najugaqarnermut uppernarsaammik pissarsinissaannut ikiorneqartarlutik aamma najukkami innuttaasut pisiariaqartitsineranni suliffissaaleqinermi ikiorsiissutinik pisarsinissaannut ikiuuttarlutik.

Soraarnerussutisiassat akileraartarnerlu ajornartorsiutitaqartut

Ataaserli annertuumik eqqarsartitsisarpoq. Kingullermik Kalaallit Nunaanni soraarnerussutisiaqartarnermik aaqqissuusseqqittoqarmat, najugallit pisussaaffigilerpaat soraarnerussutisiaqarnissamut katersaminnit Danmarkimi Kalaallillu Nunaanni akileraartarnissaq.

- Inuit tamanna soorunami pakatsissutigisimavaat. Ukiaq Nuummi akileraartarnermut aqutsisoqarfik ataatsimeeqatigaarput, aqutsisoqarfiup tamanna misissoriarlugu aaqqiissutissarsiorniarpaa. Teknikkimut tunngassuteqartut inissinneqariarpata aaqqiissutissarsisoqassasoq naatsorsuutigaara. Suliassap tamatuma naammassineqarnissaa kissaatigingakku qinigassanngorteqqissimavunga, Kasim S. Virk Sermitsiaq.AG-mut oqaluttuarpoq.

Nunamut namminermut immikkoortortaqarfimmi pisortaq naapertorlugu Pituffimmi qinersisinnaatitaasut 52-iupput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER