STILSTAND
Pituffik pillugu isumaqatigiinniarnerit siuariartorfiunngitsut
Qallunaat naalakkersuisuisa amerikarmiunik isumaqatigiissuteqarnissaq piuminaatsittorujussuuvaat. Taamatut naliliivoq folketingimut ilaasortaq Enhedslistenimeersoq Christian Juhl, taannalu Pituffik pillugu nutaamik isumasioqatigiinnerup kingorna isumalluanngitsorujussuuvoq
Ataasinngormat nunanut allanut tunnganut ministeri Anders Samuelsen (LA), Folketingip Kalaallit Nunaannut Ataatsimiititaliaani Pituffik pillugu isumasioqatigiinnissamut qaaqquneqaqqippoq. Ministerip ilaatigut Kalaallit Nunaata, Danmarkip USA-llu suleqatigiinnerat killiffiliortussaavaa, ilaatigut radarip nutarterneqarnera, Camp Centurymi saliinissaq aammalu Pituffimmi kiffartuussinermut isumaqartigiissutit tassungalu umiarsuaassisarneq immikkut oqaluuserineqarput. Christian Juhl, Enhedslistenimeersoq, isumasioqatigiinnermi peqataavoq, isumasioqatigiinnerullu kingorna Kalaallit Nunaat pitsaanerusunik isumaqatigiissuteqarnissaa isumalluarfiginngitsorujussuuvaa.
– Isumaqarpunga isumaqatigiinniarnerni nutaanik angusaqartoqarsimanngitsoq. Isumaqarpunga naalakkersuisut uku amerikarmiunik isumaqatigiissuteqarnissamik angusaqarsinnaanngitsut, taanna Sermitsiamut oqarpoq.
Tamanna pillugu Sermitsiami kingullermik saqqummersumi annertunerusumik atuarsinnaavutit, aviisilu ataani linki toorlugu pisiarisinnaavat: