Skip to main content

Pitsassuarnik illuaraliornissamut timmisartoqarfissaq nutaaq apeqqutaavoq

Nuummi Atlantikukkoortartunut mittarfissamik sanaartorniarneq aalajangerneqarmat aatsaat, World of Greenlandimi siulersuisut nunaqarfiup Kapisillit eqqaani Nuuk Icefjord Lodge sananiarlugu aalajangerput.

Nuup Kangerluata ilorpiaani illuaqqanik 50-inik kiisalu kiffartuussivinnik aamma neriniartarfimmik/saaffiginnittarfimmik sanaartorniarluni suliniut, Kommuneqarfik Sermersuumi kommunalbestyrelsimit sisamanngormat akuerineqarpoq.

- Suliniut maanna tusarniaassutigalugu aallartinneqarpoq, tusarniaanermilu akissutitut ilanngunneqartut suliniummut ilanngunneqarumaarput, suliniuteqartut ilaat Jørgen Sølvsten Nielsen, Topas Exploerer Groupimi, Wold of Greenlandip aamma Kalaallit Nunaanni Angalatitsiviup avillugu pigisaanni pisortaq nassuiaavoq.

World of Greenland Ilulissat eqqaani, Qeqertarsuarmi Kujataanilu illuaraliornermik misilittagaqarluarpoq. Taamaammat Nuup eqqaani kangerlummi sanaartorniarneq Wold of Greenlandimut pissusissamisuuginnarpoq.

Tidsplan for Nuuk Icefjord Lodge-projektet
World of Greenland

- Illuaraliornermik soorunami misilittagaqarlualersimavugt, suliniullu qanoq pisivusunngortissanerlugu nalunngilarput, Jørgen Sølvsten Nielsen Sermitsiaq.AG-mut oqarpoq.

Illuaqqat avatangiisinut ajoqutaanngitsumik sananeqarnissaat kisimi pineqanngilaq, aammali illuaqqat pinngortitamut immikkuullarissumut kusanarluinnartumullu sapinngisamik mianerinnillu ingerlanneqarnissaat pineqarpoq.

50-60 mio. koruuninik aningaasaliisimasut

50-iniit 60 millioner koruunit angullugit aningaasaliissuteqarsimavugut, taanna oqarpoq.

Jørgen Sølvsten Nielsen oqaluttuarpoq, illuararpassuarnik illutassanillu sanaartornerup aqunneqarnissaa nakkutigineqassasoq.

- Sanasorpassuaqarpormi asimi qanoq suliaqassanerlutik ilisimasaqanngitsunik, Topasimi pisortaq nassuiaavoq, taassuma soorunami sanasut Nuummeersut sanaartornissaat oqaatigaa, aamma Kapisilinni najugallit assartuinermi suliassat pineqartillugit suliassaqarnissaat oqaqatigalugu.

Tusarniaaneq naammassineqariarpat, titartakkat naapertorlugit sanaartornissaq peqqissaarullugu pilersaarusiorneqassaaq, Wold of Greenlandip avatangiisimut ajoqutaanngitsumik suliaqartoqarnissaanik piumasaqaatit malissavai.

Sullinniakkat aningaasaatilissuit

Sullinniakkat qularutigineqarsinnaanngitsumik tassaapput: takornariat nunanit allaneersut aningaasaatilissuit, qanoq akeqarneranik eqqarsaateaqaratik immikkuullarissumik misigisaqarusuttartut.

- Soqutinartorli misigisarput tassaavoq, coronap ajornartorsiortitsineranik pissuteqartumik, illuaraatitsinnut inniminniisimasut kalaaliupput. Nunanit allanit inniminniisimasut tamangajalluinnaasa annaasimavavut, taamaammat nuannerpoq, Kalaallit Nunaanni takuniartikkusutatsinnut najukkani innuttaasut pilerisutsinneqalersimanerat, Jørgen Sølvsten Nielsen oqarpoq.

Graffiti MasterClass maani eqqumiitsuliortut illorsuit iigaanni eqqumiitsuliorlutik aallartiaalersut
Immaqa siunissami illoqarfimmi illorsuit ilaanni eqqumiitsulianik takusaqartalissaatit. Maani eqqumiitsuliortut graffitikultur-MasterClass illorsuit igaanni eqqumiitsuliorneq ingerlatarisimavaat,...
Kommunit tamarmik isumaqatigiipput: Ulloq atualeqqaarfik maleruaqqusaqassaaq
Aasaanerani atuanngiffeqareernerup kingorna aggustip qaammataata qiteqqunnerani kommunini tamani pissusissamisut atuartut isaanissaannut sianeq sianertinneqassaaq. Taamaakkaluartoq ulloq...
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

Seneste Ugeavis

SENESTE NUUK - NYHEDER