Piteraq: Innuttaasut 47-t qimarngunneqarsimasut
Tasiilami unnuaq piterarmat illut arlallit igalaavi aserorsimapput. Innuttaasut katillugit 47-t qimargunneqarsimapput.
Tassiilami sapaatip unnuaani 50 m/s angullugit anoraasuartassasoq DMI-mit aarlerisaarutigineqarsimavoq.
Taamak sakkortutiginissaanik siulittuisimaneq eqquutissanersoq nalunarsia, DMI-lli nittartaagaatigut allassimasoqarpoq, anori 53 m/s angusarlugu anoraasuartartumik 34 m/s-imik sakkortussuseaqarsimasoq.
Sakkortuumillu piterarnera illoqarfimmi innuttaasunut kingunerlussimavoq, innuttaasummi illoqarfiup katersortarfianut qimarngunneqarsimapput, Kalaallit Nunaanni Politiit Sermitsiaq.AG-mut ilisimatitsippput.
Inuit 30-t katersortarfimmiitinneqarsimasut
Pigaartut pisortaata Jørgen Madsenip oqaatigaa, sakkortuumik piterarnerani illut igalaavi qaararsimanerat tamatumunnga pissutaasoq.
- Innuttaasut 30-t katersortarfimmut qimarngunneqarsimapput, alla ilaquttaminnut inissikkiartorsimallutik, Jørgen Madsen oqaluttuarpoq.
Innuttaasut katillutik 47-t qimarngunneqarsimapput. Ilaqutariit ataatsit napparsimasumik meerartallit napparsimmavimmut inissinneqarsimallutiki.
Politiinit piterarnerani inunnik ajoqusertoqarsimanersoq nalunaarutigineqanngilaq.
Politiit nalunaarutaat naapertorlugut, anori sapaatip ullaavani sakkukilliartulertussaavoq.
Inuit attaveqaqatigiittarfiisiut innuttaasut arlallit allaserisimavaat, piterarnera aatsaat taamak saskkortutigisimasoq, aamma illut, biilit umiatsiaaqqallu aserortitersimasut oqaluttuarineqarpoq.