Pisuussuteqanngitsoq aqqusinermi nakuuserfigineqarpoq
Inuk pisuussuteqanngitsoq Nuummi Katuap saavani marlunngornermi tassanngaannaq saassunneqarpoq.
Saassussisutut pasineqartoq politiit marlunngornermi tigusaraat, taannalu suliami unnerluutigineqarpoq, kisianni ingerlateqqinneqarsimasoq, politiit pigaartuat Julie Senderovitz Bendtsen KNR-mut taama oqarpoq.
Pinerluuteqartoq kingusinnerusukkut eqqaartuussivimmi sassartinneqassasoq, politiit ilisimatitsipput.
Saassunneqartoq niaqqumigut kilersimalluni Nuuk Centerimi ikiortissarsiortariaqartoq, KNR-ip allaaserisaa naapertorlugu ullumikkut pitsanngoriarsimavoq.
Taassuma saassusisoq ilisarisimanngilaa.