Pisut tujorminartut
Nunasiaanerup nalaani piffissani alianarnerpaani inuit amerlasoorsuit toqorarput. Meeqqatinersimasullu nappaatinik eqqugaapput. Kalaallit naammattumik ikiuiniartoqarsimannginnerakamaatigigaat, ilisimatusartoq nassuiaavoq.
Innuttaasut peqqissusaat innuttaasullu ukioqqortusiartornissaannut tunngaviliinnissaq
naalakkersuisut suulluunniit pinngitsoornatik suliassaraat. Nunasiaanerulli nalaani tamatumalu kingornani ukiut ingerlaneranni Kalaallit Nunanni qanoq ingerlasoqarpa?
Pitsaavallaanngitsumik.
Aviisi AG taamatut allappoq.
Kisitsisit piffissamit tassanngaanneersut AG-p nassarisaasa ajornartorsiutit erseqqissumik
takutippai. Atuagagdliutini (Kalaallit Nunaanni aviisit pisoqaanersaanni 1861-mi
pilersinneqartummi) assersuutigalugu juni 1967-mi ilaatigut nunasiaanerup nalaani
agguaqatigiissillugu ukiut inuuffiusartut appasissut pillugit makku atuarneqarsinnaapput:
- Piffissami 1946-mit 51-mut kalaallit angutit agguaqatigiissillugu 32-nik ukioqalersarput, arnallu 38-nik ukioqalersarlutik, aviisi allappoq.
Sammisaq taanna atuagassiami Tidsskriftet Grønlandimi 1954-mi Pie Barfodimit, taamanikkut Statsministeriami Grønlandsministeriamilu sulisumit aamma sammineqarpoq. Taassuma kisitsisit itisilerpai ima:
- Kalaallit Nunaanni toqusartut amerlasoorujussuupput, aamma nunanut
ineriartorluarsimanngitsunut sanillersuukkaluaraanni. Statistisk Årbogimi nunat tamat akornanni takussutissiiviit qupperneranni, nunat allattorsimasut akornanni Egypten taamaallaat Kalaallit Nunaanni kisitsisinut qanittumik inissisimavoq, taanna allappoq.
Kanngunartoq
Københavnip Universitetiani institut for tværkulturelle og regionale studierimi lektori Kirsten Thisted naapertorlugu kalaallit pissutsinik nammaginninnginnertik oqaatigaat. 1900-kkut aallartiinnartulli.
- Kalaallimmi sakialluummit toqusoqartuarnera soorunami qatsuppaat meeqqamillu
toqorartuarnerat aliasuutigalugu, taanna oqarpoq.
Ilanngutassiaq tamaat aviisimi AG-mi sapaatip-akunnerani matumani saqqummersumi atuaruk, ugguuna iserfigisinnaaavat.