Assammik arsarluni GM

Pissartanngorniutivinnerit pissangajassaqaat

Naatsorsuutigineqartut GSS-ikkut, arnat angutillu, guultinnanniutissapput. Taakkuli angutini Norsaq HC naapikkunikku, arnanilu NÛK naapikkunikku oqitsorsiussanngitsut naatsorsuutigisinnaavaat

GSS, håndbold,
GSS unammisartugeqaaq kuultinnannissaalu naatsorsuutigineqarpoq
NÛK kuultinnassapput GSS-imeersoq Lykke Frank Hansen paarilluarneqassaaq
GSS unammisartugeqaaq kuultinnannissaalu naatsorsuutigineqarpoq Leiff JosefsenNÛK kuultinnassapput GSS-imeersoq Lykke Frank Hansen paarilluarneqassaaq Leiff JosefsenGSS unammisartugeqaaq kuultinnannissaalu naatsorsuutigineqarpoq Leiff JosefsenNÛK kuultinnassapput GSS-imeersoq Lykke Frank Hansen paarilluarneqassaaq Leiff JosefsenGSS unammisartugeqaaq kuultinnannissaalu naatsorsuutigineqarpoq Leiff JosefsenNÛK kuultinnassapput GSS-imeersoq Lykke Frank Hansen paarilluarneqassaaq Leiff Josefsen

Tassa inissipput. GSS angutitaasa guultinnanniunnermi Norsaq HC naapissavaat. GSS arnartaasa NÛK. SAK arnartai N-48 bronzinnanniutissapput, NÛK-llu angutitaasa N-48 naapeqqissallugu.

Norsaq HC, Aasianneersut, GSS-ikkunnut unammillersinaalluarput. Tamanna naapinnerminni siullermi, Inuujuk Ostemann Søholm isertitsinerpaajusoq siuttoralugu, takutippaat. Unamminermili tassani GSS målinik sisamanik ajugaavoq.

Norsaq HC-kulli finaalimi ajorsassagunik annaassaqanngillat, illuatungaanili GSS-ikkut annaasassaqarlutik. Tamanna Norsaq HC-mut iluaqutaaratarsinnaasoq oqartoqarsinnaavoq.

Arnani Lykke Frank Hansen, GSS, aaliangiisuusinnaavoq. Taanna pissartanngorniunnerni 31-raarluni isertitsinerpaat tulliuvoq. NÛK-ut ajugaaniarunik taanna mattuttariaqassavaat. NÛK-ulli ulorianartumik aamma arsartoqarput. Tassaavoq Christina Lange, isertitsinerpaat pingajuuvoq 28-inik isertitaqarluni. Taanna aamma unamminermi aaliangiisooratarsinnaavoq. NÛK GSS-illu unamminissaat qularnanngitsumik pissanganassaaq.

Akiniaarusunneq aaliangiisuusinnaasoq

N-48-kut arnartai SAK-kunnut ajorsareerput. Tamannalu isumaqarpoq N-48-kut akiniaallutik ajugaarusussaqisut bronzinnallutillu. SAK-mi arsaartartuunikoq, Gerdaaraq Ingemann, maanna N-48-miittoq unamminermi aaliangiisuusinnaavoq. Taanna angusarissaaqaaq 49-nik isertitaqarluni målernerpaagami. Arsaqataasali ikiortariaqassavaat, tassami unamminermi siullermi SAK-kut Gerdaaraq Ingemann mattuppaat arsalluanngitsootillugu.

SAK-kut aamma aaliangiisuusinnaasumik arsartoqarput. Tassaavoq nunanut allanut unammisartoq Linda Madsen. Taanna Poerto Ricomit uteqqammerpoq assullu kissaqqalluni. Taanna 28-eraannikuuvoq arsaqatinilu ikiorluarnerisigut arsarlualersittarlugit. N-48-mut unammigamik arsarluarnerpaatut toqqagaavoq. N-48-kut ajugaaniarunik Linda Madsen unitsittariaqassavaat.

Angutini N-48 aamma NÛK qularnanngitsumik guultinninniunnissaq siunertaralugu unammigaluarput iluatsitsinatilli. Taamaammallu bronzi tuppallersaatigerusussavaat. Ippassaq unammigamik arsartutik pingaarnerit sipaarpaat. N-48-mi Karl Rosbach isersimarpianngilaq, NÛK-milu Ingo Hansen isersimanani. Unamminermi tassani NÛK målinik arfineq-pingasunik ajugaavoq. NÛK-p måliniittuat arsarluarnerpaatut toqqagaavoq, qulit sinningaatsiarlugit annaassigami.

NÛK ajugaassaguni måliniittoq Taatsiaq Villadsen arsarluaqqittariaqassaaq, tassami N-48-kut akiniaarusullutik unammisussaassagamik. N-48-kut sakkortunertik ataasiakkaanillu arsallaqqissoqarnertik ilisarnaatigaat. Illuanilu NÛK holditut arsallaqqillutik misilittagakkaajullutillu. Taakku marluk naapikkaangamik sakkortukkajuttarpoq ilaatigullu kusanaassinnaalluni. Tamannalu isiginnaartuulluni qujanaannartarpoq.


Sapaammi unammisussat:

Arnat:
5-inngorniuttut:
Kagssagssuk - Norsaq HC.

Bronzinnanniunneq:
SAK - Nagdlunnguaq

Finaali:
GSS - Nûk

Angutit:
7-inngortut
QNQ

5-inngorniuttut:
SAK - N-85

Bronzinnanniunneq:
Nûk - Nagdlunnguaq

Finaali:
GSS - Norsaq HC

Ilanngunneqarput arfininngormat unamminerit kingorna inissisimanerit.

Angutini arnanilu isertitsinerpaat.

Powered by Labrador CMS