assammik arsarneq

Pissartanngorniunnermi unamminerit pissanganartut utaqqipput

Sapaammi iligiit sorliit finalertoqarnerani unammissanersit, assammik arsarlunik pissartanngorniuttoqarnerani ullormut unammisussat aalajangersinnaavaat.

Sapaammi iligiit sorliit finalertoqarnerani unammissanersit, assammik arsarlunik pissartanngorniuttoqarnerani ullormut unammisussat aalajangersinnaavaat.

Angutini arnanilu arfineq-marloriarlutik pissartaasimasut, GSS, assammik arsarluni pissartanngorniunnermi pisassaanngillat.

Unammisaminnut saammaassinermik takutitsinngillat, unamminernilu siullerni marlunni ajugaarujussuaramik finalertussatut isikkoqalereerput.

Kisianni kikkut sapaammi finalimi unammissavaat?

Angutini Norsaq HC Aasianneersut aamma Nagdlunguak Ilulissaneersut ullumi sisamanngornermi unammissapput. Ajugaasut finalimut annertuumik alloriassapput.

Nuummeersut siuttuusut
Arnani timersoqatigiiffiup aaqqissuisup NÛK piukkunnaatillit Team Nuuk unammissavaat, tamannalu aalajangiisuusinnaavoq.

GSS-it angutitaat marloriarlutik unammereerlutik sisamanik pointinnannikuupput, SAK, NÛK aamma Norsaq HC marlunnik pointinnannikuullutik, Nagtoralik suli pointinnanngitsoq.

Unamminerit marluk kingorna GSS arnani pisassaanngivipput. Iligiit Nuummeersut allat marluk, NÛK aamma Team Nuuk ingerlalluarput, tassami unamminerminni maannamut suli ajorsannginnamik. Nuummeersut iligiiaat pingasut tamarmik sisamanik pointinnapput. SAK, Norsaq HC aamma Nagdlúnguaq suli ajugaanngillat.

Pingasunngornermi angusat:

Arnat:

  • SAK - GSS, 19-44 (14-21). Arsarluarnerpaaq: Lykke Frank Hansen, GSS
  • Team Nuuk - Nagdlùnguaq, 29-21 (14-11). Arsarluarnerpaaq: Pilunnguaq Rosing Wille, Team Nuuk
  • NÛK - Norsaq HC, 31-25 (14-14). Arsarluarnerpaaq: Christina Lange, NÛK

Angutit:

  • Nagtoralik - SAK, 17-28 (9-14). Arsarluarnerpaaq: Søren Kreutzmann, SAK
  • NÛK - Norsaq HC, 26-29 (13-14). Arsarluarnerpaaq: Henrik Kreutzmann, NÛK
  • Nagdlùnguaq - GSS, 19-30 (6-15). Arsarluarnerpaaq: Isak Olsen, GSS

Sisamanngornermi unammisussat:

Arnat:

  • Nal. 13.00: SAK - Nagdlunguak
  • Nal. 16.00: GSS - Norsaq HC
  • Nal. 19.00: NÛK - Team Nuuk

Angutit:

  • Nal. 14.30: Nagdlunguak - Norsaq HC
  • Nal. 17.30: SAK - GSS
  • Nal. 20.30: Nagtoralik - NÛK

Unamminerit Nuummi Inussivimmi ingerlanneqarput.

Allaaserisap talerpiata tungaani isertitaqarnerpaat allattorsimaffiat takuuk

Powered by Labrador CMS