Island Games
Pissanganartorsiornerup kingorna Kalaallit Nunaat finalimut ingerlaqqippoq
Unamminerup sivitsorneqarnerata kingorna aamma strafferluni isertitseriaqattaarnerup kingorna Kalaallit Nunaat isikkammik arsarluni semifinalimi ajugaavoq
Angutit isikkammik arsaattartut nunanut allanut unammisartut Island Gamesimi semifinalerlutik Menorcamut ajugaanermi kingorna finalernissaminnut piareerput.
Unammisartut pissanganartumi straffeqattaareerlutik ingerlaqqipput. Straffeqattaarnermi 3-1-mik ajugaapput.
Unamminerup immikkoortuani siullermi Menorca siuarpoq, Kalaallit Nunaallu immikkoortup aappaani akeqqat imminnut isertitsiffiginerisa kingorna 1-1-erlutik naligiilerput.
Unamminerup sivitsorneqarnerani Kalaallit Nunaat isertitsinissamut arlalinnik periarfissaqartaraluarpoq, kisianni atorluarneqanngillat. Unamminerup sivitsorneqarnerani isertitsisoqanngilaq.
Strafferluni isertitseriarnermi Kalaallit Nunaat marlunnik isertitsinngitsooraluarpoq, kisianni Menorcap ataasiinnaq iluatsippaa.
Johan Bidstrup kingulliulluni isertitsivoq, taamaalillutik finalimut ingerlaqqipput.
Unammisartut finalimi Isle of Man unammissavaat, taakku semifinalimi Guernseymut 4-3-mik ajugaapput. Aqagu tallimanngornermi unammissapput.
Unamminerup pissanganartup naanera uani takuuk: